ساياساتتانۋشى، ەكس-ديپلومات راسۋل جۇمالى ۇلىنان ينتەرنەت ارقىلى ەكى ايدا قازاقشا ۇيرەنىپ العان يۋان سميت دەگەن اۆستراليالىق جىگىتتىڭ ۆيدەوسىن جاريالادى. ساياساتتانۋشى وسىعان قاراپ ءومىر-باقي قازاقستاندا تۇرىپ قازاقشا قاقپايتىندار قاتتى قىنجىلتاتىنىن ايتادى.
يۋان سميت قازىرگى تاڭدا سەۋلدە تۇرىپ جاتقانىن، قازاقشا ۇيرەنۋدى باستاۋىنىڭ ەكى سەبەبى بارىن جەتكىزدى.
– بىرىنشىدەن، مەن شەت تىلدەرىن ۇيرەنگەندى جاقسى كورەمىن. ەكىنشىدەن، ءبىر كۇنى قازاقستانعا ساياحاتتاعىم كەلەدى. قازاق ءتىلىن ۇيرەنۋ قيىن. ويتكەنى قۇرىلىمى مەنىڭ انا-تىلىمنەن وتە وزگەشە جانە ۇيرەنۋگە جاقسى رەسۋرستار كوپ ەمەس. ماعان قازاق ءتىلىن ۇيرەنۋ وتە ۇنايدى جانە بۇل ءتىل ادەمى ءارى قىزىقتى. ەڭ قىزىعى باسقا كوپتەگەن تىلدەردىڭ قازاق تىلىنە اسەر ەتۋى. مەنىڭ ويىمشا، شەت ءتىلىن ۇيرەنۋگە كوپ ۋاقىت پەن كۇش قاجەت. ەگەر ءبىر ادام شەت تىلىندە سويلەي الماسا، بۇل پروبلەما ەمەس. ەگەر ءبىر ادام شەت ەلدە تۇرسا، ول سول ءتىلدى ۇيرەنۋگە تىرىسۋى كەرەك دەپ ويلايمىن. قازاقشا ۇيرەنۋدى جاقىندا باستاعان ادامدار ءۇشىن مەنىڭ كەڭەسىم – ءسىزدى قىزىقتىراتىن تاقىرىپتى تاۋىپ، سول تاقىرىپ تۋرالى قازاقشا ءبىلىڭىز. وقۋلىقتا وقىتىلاتىن سوزدەر كەيدە قىزىقسىز. سىزگە قىزىقتى نارسەلەرمەن ۇيرەنسەڭىز جاقسىراق بولار ەدى، – دەيدى اۆستراليالىق ازامات.
پىكىر قالدىرۋ