رەسپۋبليكالىق "الاتاۋ" رەسپۋبليكالىق بالالار كلينيكاسىنىڭ باسشىسى پارا الۋ ۇستىندە ۇستالدى. بۇل تۋرالى بالا قۇقىقتارى جونىندەگى ۋاكىل ارۋجان ساين Facebook جەلىسىندە جازدى.

سىبايلاس جەمقورلىققا قارسى كۇرەس اگەنتتىگى جۇرگىزگەن وپەراسيا بارىسىندا مەكەمە قىزمەتكەرلەرىنىڭ اقشا ۇرلاعانى، ازىق-تۇلىك جانە بالالارعا ارنالعان باسقا دا ونىمدەردى ساتقانى انىقتالدى.

– شيپاجاي ديرەكتورى قانشايىم مۇسايەۆا مەن ونىڭ قولاستىنداعىلار جىل سايىن اقشا جىمقىرىپ وتىرعان. اتا-انالار تاراپىنان كلينيكاعا كەلىپ، تاماق، ارنايى ەم شارالارى ءۇشىن تولەنەتىن قاراجاتتى بيۋدجەتكە سالۋدىڭ ورنىنا، وزدەرىنە العان، – دەدى ساين.

ول ءوز جازباسىندا بالالار بۇل ورتالىققا مەملەكەتتىك كۆوتا ارقىلى جىبەرىلەتىنىن ايتتى. ياعني، اتا-انالاردىڭ وزدەرىنە جۇمسايتىن شىعىنى بۇل ەسەپكە كىرمەيدى.

– وندا اتا-انالار تاۋلىگىنە 7500-11 000 مىڭ تەڭگەگە دەيىن تولەيدى. تاعى دا ولار تاماقتانۋعا كۇنىنە 5000 تەڭگە بەرىپ وتىرعان. بۇل قاراجات مەكەمەنىڭ بيۋدجەتىنە ەمەس، باسشىلىقتىڭ قالتاسىنا ءتۇسىپ وتىرعان، – دەپ اتاپ ءوتتى ول.