دجو بايدەن ەندى دونالد ترامپ تۋرالى ەشتەڭە ايتپايتىنىن مالىمدەدى.
اقش پرەزيدەنتى CNN تەلەارناسىنىڭ قالالىق عيماراتىنداعى ءىس-شارادا "ءتورت جىل ىشىندە جاڭالىقتىڭ ءبارى ترامپ قانا بولدى. الداعى ءتورت جىلدا مەن بارلىق جاڭالىقتاردىڭ امەريكا حالقى تۋرالى ەكەنىنە كوز جەتكىزگىم كەلەدى" دەدى.
جاڭا پرەزيدەنت قىتايداعى ادام قۇقىقتارىنىڭ بۇزىلۋى تۋرالى دا ايتۋدى ۇمىتپادى. ول پەكيننىڭ وسى ىستەرى ءۇشىن "زارداپتارعا" تاپ بولاتىنىن ايتتى.
دجو بايدەن وعان قوسا اق ناسىلدىلەردى جوعارى سانايتىن سۋپرەماتيستىك كوزقاراستاردى ناسيحاتتاعاندار "اقىماق" جانە "ءقاۋىپتى" ادامدار ەكەنىن ايتتى. بايدەن ەلدەگى ناسىلشىلدىك ءقاۋپىن ايتتى جانە 6 قاڭتارداعى اقش كاپيتولييىندەگى كوتەرىلىسكە قاتىستى ساۋالدارعا جاۋاپ بەردى. بايدەن ولاردى اقش-تاعى ىشكى تەرروريزم تۇرعىسىنان ەڭ ۇلكەن ءقاۋىپ دەپ اتاي وتىرىپ، امەريكاداعى ناسىلشىلدىك پروبلەماسى "كۇردەلى، اۋقىمدى جانە شىنايى" دەدى.
