الماتى قالاسى اكىمىنىڭ ورىنباسارى ەرجان باباقۇماروۆ ونلاين فورماتتا مەگاپوليس اۋماعىنداعى جوو رەكتورلارىمەن كەڭەس وتكىزدى.

«ەلباسىنىڭ بەس الەۋمەتتىك باستاماسى» اياسىندا جاتاقحانا قۇرىلىسىنىڭ بارىسى قارالدى. باستى مىندەت – ستۋدەنت جاستاردىڭ ءومىر ءسۇرۋ جاعدايلارىن جاقسارتۋ، ستۋدەنتتەردى جاتاقحانالارداعى ورىندارمەن قامتاماسىز ەتۋ.

الماتىدا 6 جاتاقحانا پايدالانۋعا بەرىلدى، 2 نىسانعا قۇرىلىس جۇرگىزىلۋدە، اياقتاۋ 2022 جىلدىڭ باسىندا جوسپارلانۋدا. سونىمەن قاتار، 30 جاتاقحانا قۇرىلىسى بويىنشا دايىندىق جۇمىستارى جۇرگىزىلۋدە. جاڭا نىسانداردى سالۋ ءۇشىن بارلىعى 22 جەر ۋچاسكەسى انىقتالدى. جالپى، الماتىدا جۇرگىزىلىپ جاتقان جۇمىستار اياسىندا 16 مىڭنان استام توسەك-ورىن قۇرۋ جوسپارلانۋدا.

كەڭەسكە اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ، حالىقارالىق بيزنەس ۋنيۆەرسيتەتى (UIB)، كاسپيي قوعامدىق ۋنيۆەرسيتەتى،قونايەۆ اتىنداعى ەۋرازيالىق زاڭ اكادەمياسىنىڭ، ق. ساتبايەۆ اتىنداعى قازاق ۇلتتىق تەحنيكالىق زەرتتەۋ ۋنيۆەرسيتەتى، الماتى تەحنولوگيالىق ۋنيۆەرسيتەتىنىڭ باسشىلىعى قاتىسىپ، ءسوز سويلەدى.

كوتەرىلگەن ماسەلەلەرگە قالالىق جەر قاتىناستارى باسقارماسىنىڭ باسشىسى ارداق سامامبەتوۆ، قالا قۇرىلىسىن باقىلاۋ باسقارماسى باسشىسىنىڭ ورىنباسارى و.تولەبايەۆ تۇسىنىكتەمە بەردى.

كەڭەس قورىتىندىسى بويىنشا اكىمنىڭ ورىنباسارى ەرجان باباقۇماروۆ ءتيىستى باسقارمالارعا «حالىق ۇنىنە قۇلاق اساتىن مەملەكەت» تۇجىرىمداماسىنىڭ قاعيداتتارىن ەسكەرە وتىرىپ، جاتاقحانالار سالۋ جونىندەگى جوبالاردى ىسكە اسىرۋ، سونداي-اق راسىمدىك ماسەلەلەردى جەدەلدەتۋ جانە جوسپارلانعان وبەكتىلەردى ۋاقتىلى جانە ساپالى پايدالانۋعا بەرۋدى قامتاماسىز ەتۋ بويىنشا ءبىرقاتار تاپسىرمالار بەردى.

ەستەرىڭىزگە سالا كەتەيىك، جاتاقحانا قۇرىلىسى ينۆەستورلاردىڭ قاراجاتى ەسەبىنەن جۇزەگە اسىرىلۋدا. ق ر ءبىلىم جانە عىلىم مينيسترلىگىنىڭ شەشىمدەرىنە سايكەس، نىسان پايدالانۋعا بەرىلگەننەن كەيىن 8 جىل ىشىندە ينۆەستورلار ءۇشىن ينۆەستيسيالاردىڭ قايتارىمى رەگلامەنتتەلگەن. وسىعان بايلانىستى پاندەميا جانە ينۆەستورلاردىڭ ەكونوميكالىق قيىندىقتارى جاعدايىندا قۇرىلىس مەرزىمىنە وزگەرىستەر ەنگىزىلدى.