قازاقستاندىق كاسىپقوي بوكسشى قانات يسلام جارتىلاي ورتا سالماقتاعى الەم چەمپيونىمەن جەكپە-جەككە شىعۋى مۇمكىن. بۇل تۋرالى sports.kz سايتى حابارلادى.

قانات يسلام (28-0، 22 كو) WBC نۇسقاسى بويىنشا وسى ديۆيزيونداعى الەم چەمپيونى، امەريكالىق دجەرمالل چارلونىڭ (31-0، 22 كو) ىقتيمالدى قارسىلاستارىنىڭ ءبىرى.  

"دجەرمالل چارلونىڭ قارسىلاستارىنا العاشقى ۇمىتكەرلەر: ماسياس مونتەل، اندرەي سيروتكين، قانات يسلام" دەلىنگەن حابارلامادا.

چارلومەن چەمپيوندىق تيتۋل ءۇشىن جۇدىرىقتاسۋعا ەڭ كوپ مۇمكىندىككە يە بوكسشى – رBC پلاتفورماسىندا جەكپە-جەك وتكىزۋدە تاجىريبەسى مول مونتەل ەكەنىن اتاپ وتىلگەن.

قانات يسلام رينگكە تاياۋدا عانا شىققان. 20 اقپاندا اقش-تىڭ فلوريدا شتاتىنىڭ مايامي قالاسىندا وتكەن ايقاستا ول جەتىنشى راۋندتا ەكۆادورلىق دجەيسون ميندۋنى (14-4-1، 8 كو) نوكاۋتقا ءتۇسىرىپ، جەڭىسكە جەتتى.