جاڭاوزەن تۇرعىندارى اكىمدىك عيماراتىنىڭ الدىندا ميتينگ وتكىزدى. بۇل تۋرالى lada.kz سايتى حابارلادى.
سايت مالىمەتىنشە، ميتينگ 9 ناۋرىزدا جاڭاوزەندە وتكەن. اكىمدىك عيماراتى الدىنا جينالعاندار سۇيىتىلعان مۇناي گازى باعاسىنىڭ وسۋىنە نارازىلىق بىلدىرگەن.
قالا تۇرعىندارى اكىمدىك عيماراتىنىڭ ماڭىنا جينالىپ، بيلىكتەن تمد-داعى بولشەك ساۋدا نارىعىنداعى قۇندى رەتكە كەلتىرۋدى تالاپ ەتكەن.
جاعدايعا قالانىڭ كاسىپكەرلىك جانە اۋىل شارۋاشىلىعى باسقارماسى باستىعىنىڭ مىندەتىن اتقارۋشى نۇرسۇلتان مۇحتار ۇلى تۇسىنىكتەمە بەردى. ونىڭ ايتۋىنشا، گاز باعاسىن تومەندەتۋ ماقساتىندا اكىمدىك جەكە كاسىپكەرلەرمەن جانە قالانىڭ گاز جەلىسى ۇيىمدارىمەن تۇراقتى تۇردە كەزدەسۋ وتكىزىپ تۇرادى.
– كاسىپكەرلەرگە گاز باعاسىن كوتەرمەۋ تۋرالى اقپارات بەرىلدى. ءقازىر باقىلاۋ كۇن سايىن جۇرگىزىلەدى، باسقارما باعانىڭ تۇراقتىلىعىن باقىلاۋ ءۇشىن جانارماي قۇيۋ ستانسيالارىن كۇنىنە ەكى رەت تەكسەرەدى، – دەدى نۇرسۇلتان مۇحتار ۇلى.
بۇعان دەيىن اقتاۋ جۇرگىزۋشىلەرى وسىنداي ماسەلەگە شاعىمدانعان بولاتىن.
ماڭعىستاۋ وبلىسى اكىمىنىڭ ورىنباسارى عالىمجان نيازوۆ گازدىڭ قىمباتتاۋىنا شەكتى بولشەك باعانىڭ الىنىپ تاستالۋى جانە "كوگىلدىر وتىننىڭ" اۋكسيون ارقىلى ءبولىنۋى اسەر ەتكەن بولۋى مۇمكىن ەكەنىن حابارلادى.
پىكىر قالدىرۋ