ءماجىلىس دەپۋتاتى الەكساندر ميليۋتين پرەمەر-مينيستر اسقار مامينگە زەينەت جاسىن قايتا قاراۋ جونىندە دەپۋتاتتىق ساۋال جولدادى.
ماجىلىسمەن دەپۋتاتتار توبى سۇرانىستى قايتا جىبەرىپ وتىرعانىن ايتتى. ويتكەنى دەپۋتاتتار بەرىلگەن جاۋاپقا قاناعاتتانباعانىن اتاپ ءوتتى. ول پرەمەر-مينيستردەن قازاقستان 1998 جىلى شىققان ىنتىماقتاستىق زەينەت جۇيەسىن قايتارۋ ماسەلەسىن تالقىلاۋدى سۇرادى.
– ءسىزدىڭ جاۋابىڭىزدا ەڭبەك جاعدايلارىنىڭ كۇردەلىلىگىنە بايلانىستى ازاماتتاردىڭ زەينەتكە شىعۋ جاسىن قايتا قاراۋ تۋرالى ءبىزدىڭ ۇسىنىسىمىز نازاردان تىس قالدى. زەينەتكە ەرتە شىعۋ ماسەلەسىن تەك قۇقىق قورعاۋ ورگاندارىنىڭ قىزمەتكەرلەرىنە عانا ەمەس، كەنشىلەرگە، مەتاللۋرگتەرگە، ونەر ادامدارىنا (بالەرينالارعا) دا قاراستىرۋ كەرەك، – دەدى ميليۋتين.
سونداي-اق ماجىلىسمەن ازىق-تۇلىك باعاسىنىڭ وسۋىنە بايلانىستى زەينەتاقىنى دا ءوسىرۋ كەرەك ەكەنىن ايتتى.
– زەينەتاقى الەۋمەتتىك ماڭىزى بار تۇتىنۋ تاۋارلارى مەن قىزمەتتەردى ساتىپ الۋىعا جەتكىلىكتى بولۋى كەرەك. تاۋار مەن قىزمەت باعاسىنىڭ وسۋىنە بايلانىستى زەينەتاقى دا ءوسۋى كەرەك، – دەدى ول.
پىكىر قالدىرۋ