سەمەيدە مادەني-سپورت كەشەنىنە "ەلباسى ارەنا" اتاۋىن بەرۋ ۇسىنىلدى، دەپ حابارلادى altaynews.kz سايتى.

سايت مالىمەتىنشە، سەمەي قالاسىنىڭ ءماسليحاتىندا قازاقستاننىڭ اتاقتى سپورتشىلارى مەن ەڭبەك سىڭىرگەن قايراتكەرلەرىنەن، عىلىمي جانە شىعارماشىلىق زيالى قاۋىم وكىلدەرىنەن، ارداگەرلەر، ۇەۇ، ب ا ق وكىلدەرىنەن، ەرىكتىلەر قوزعالىسىنىڭ بەلسەندىلەرىنەن، جاستاردان، سونداي-اق ءىرى كاسىپورىندار مەن اۋىل شارۋاشىلىعى قۇرىلىمدارى جەتەكشىلەرىنەن قۇرالعان توپتىڭ حاتى قارالعان.

حاتتا قاراعايلى جاڭا تۇرعىن اۋدانىنداعى اتاۋسىز كوشەگە نۇرسۇلتان نازاربايەۆ اتىن بەرۋ تۋرالى ايتىلعان. سونىمەن قاتار مادەني-سپورت كەشەنگە "ەلباسى ارەنا" دەپ اتاۋ ۇسىنىلدى.

"بۇل باستاما نازاربايەۆتىڭ ەلدىڭ قالىپتاسۋىنداعى ءرولىن ەسكەرىپ، سونداي-اق تاۋەلسىزدىكتىڭ 30 جىلدىعىنا وراي كوتەرىلىپ وتىر" دەلىنگەن جازبادا.

ماسەلە قالالىق ءماسليحاتتىڭ تۇراقتى كوميسسياسىنىڭ قاراۋىنا شىعارىلدى. ونلاين جانە وففلاين فورماتتا وتكىزىلىپ، وعان 10 مىڭنان استام ادام قاتىسقان.

وتىرىس بارىسىندا قالالىق جانە وبلىستىق ءماسليحاتتاردىڭ دەپۋتاتتارى، ق ر ەڭبەك سىڭىرگەن قايراتكەرلەرى، سپورت قاۋىمداستىعىنىڭ وكىلدەرى ءسوز سويلەگەن.

ناتيجەسىندە ءسوز سويلەۋشىلەردىڭ پىكىرلەرىن نازارعا الا وتىرىپ، دەپۋتاتتار ءبىراۋىزدان داۋىس بەرىپ، بۇل ماسەلەنى قالالىق ءماسليحات سەسسياسىندا تالقىلاۋدى ۇسىندى.