قازاقستاننىڭ تۇڭعىش پرەزيدەنتى نۇرسۇلتان نازاربايەۆ سەمەيدەگى "اباي ارەنا" ستاديونىن "ەلباسى ارەنا" دەپ اتاۋعا قارسى. بۇل تۋرالى نازاربايەۆتىڭ باسپا ءسوز حاتشىسى ايدوس ۇكىباي Twitter-دەگى پاراقشاسىندا جازدى.
"الەۋمەتتىك جەلىلەر مەن باق-تا شقو بەلسەندىلەرىنىڭ "اباي ارەنا" ستاديونىنىڭ اتاۋىن وزگەرتۋ تۋرالى ۇسىنىسى تالقىلانۋدا. ەلباسى ءاردايىم وزىنە قاتىستى مۇنداي "قۇرمەت-قوشەمەتكە" قارسى. نۇرسۇلتان نازاربايەۆتىڭ پىكىرىنشە، ستاديون قازاقتىڭ ۇلى اقىنى ءارى فيلوسوفىنىڭ اتىندا قالۋعا ءتيىس" دەلىنگەن جازبادا.
بۇعان دەيىن سەمەيدەگى "اباي ارەنا" ستاديونىنا قازاقستاننىڭ تۇڭعىش پرەزيدەنتى نۇرسۇلتان نازاربايەۆتىڭ ەسىمىن بەرۋ ۇسىنىلعان.
الەۋمەتتىك جەلىلەر مەن باق-تا شقو بەلسەندىلەرىنىڭ «اباي ارەنا» ستاديونىنىڭ اتاۋىن وزگەرتۋ تۋرالى ۇسىنىسى تالقىلانۋدا. ەلباسى ءاردايىم وزىنە قاتىستى مۇنداي «قۇرمەت-قوشەمەتكە» قارسى. ن.نازاربايەۆتىڭ پىكىرىنشە، ستاديون قازاقتىڭ ۇلى اقىنى ءارى فيلوسوفىنىڭ اتىندا قالۋعا ءتيىس
— Aidos Ukibay (@Aidos_Ukibay) March 18، 2021
پىكىر قالدىرۋ