قازاقستاننىڭ باس سانيتار دارىگەرى ەرلان قياسوۆ ورتالىق كوممۋنيكاسيالار الاڭىندا وتكەن بريفينگتە ەلدەگى ەپيدەمولوگيالىق جاعداي تۋرالى مالىمدەدى. 

– قازاقستاننىڭ 10 ءوڭىرى "قىزىل" ايماقتا تۇر. ولار: نۇر-سۇلتان، الماتى جانە شىمكەنت قالالارى، اتىراۋ، باتىس قازاقستان، اقمولا، قاراعاندى، اقتوبە، ماڭعىستاۋ جانە قىزىلوردا وبلىستارى. ەپيدەميولوگيالىق جاعداي ماتريساسىنا سايكەس قازاقستان 23 كۇن بويى "قىزىل" ايماقتا تۇر. بۇگىنگى كۇنى الەمدە كۆي-دىڭ 141 ميلليوننان استام جاعدايى تىركەلگەن. تاۋلىگىنە 700 مىڭنان استام جاعداي تىركەلىپ جاتىر. 3 ملن-نان استام ادام قايتىس بولدى. ءولىم كورسەتكىشى 2،1 پايىزدى قۇراپ وتىر. ددۇ-نىڭ التى ايماعىنىڭ بەسەۋىندە اۋرۋدىڭ ءوسۋ تەندەنسياسى بايقالادى. 21 ساۋىردەگى جاعداي بويىنشا ەلدە COVID-19 وڭ ناتيجەسىمەن 294 946 ناۋقاس جانە كۆي-دىڭ تەرىس ناتيجەسىمەن 52 025 جاعداي تىركەلدى. كۆي-دىڭ وڭ ناتيجەسىمەن اۋىرعان 252 598 ناۋقاس جانە كۆي-دىڭ تەرىس ناتيجەسىمەن اۋىرعان 50 839 ناۋقاس ەمدەلدى، – دەدى باس سانيتار دارىگەر.

ونىڭ ايتۋىنشا، 21 ساۋىردەگى جاعدايعا ساي، رەسپۋبليكا بويىنشا ينفەكسيالىق توسەك-ورىنداردىڭ 41 پايىزى بوس ەمەس، رەانيماسيالىق توسەك-ورىنداردىڭ – 28 پايىزى تولعان.

– ينفەكسيالىق توسەكتەردىڭ ەڭ كوپ قامتىلۋى باتىس قازاقستان وبلىسىندا جانە الماتى وبلىسىندا – 58%-دان جانە الماتى قالاسىندا – 55%-دان بايقالادى. رەانيماسيالىق توسەكتەردىڭ ەڭ كوپ قامتىلۋى الماتى قالاسىندا – 56% جانە نۇر-سۇلتان قالاسىندا – 58%، – دەپ اتاپ ءوتتى ە. قياسوۆ.