قازاقستاننىڭ بۇرىنعى قارجى ءمينيسترى الەكساندر باسۋلا 96 جاسقا قاراعان شاعىندا دۇنيەدەن ءوتتى. بۇل تۋرالى قارجى مينيسترلىگىنىڭ رەسمي سايتى حابارلادى.
"ول ۇزاق جىلدار ەلىمىزدىڭ قارجى سالاسىن باسقارعان. قارجى مينيسترلىگىنىڭ ۇجىمى باسۋلا الەكساندر ەفيموۆيچتىڭ وتباسىنا قايعىرىپ كوڭىل ايتادى" دەلىنگەن حابارلامادا.
سونداي-اق ەلباسى نۇرسۇلتان نازاربايەۆ الەكساندر ەفيموۆيچتىڭ قازاسىنا بايلانىستى كوڭىل ايتۋ جەدەلحاتىن جولدادى.
"ول ەسەپشىدەن قازاق كسر-نىڭ قارجى مينيسترىنە دەيىنگى ەڭبەك جولىندا جەمىستى قىزمەت اتقارىپ، وسى سالانىڭ دامۋىنا سۇبەلى ۇلەس قوستى. مەن ونى رەسپۋبليكانىڭ مينيسترلەر كەڭەسىندە بىرگە جۇمىس ىستەگەن كەزىمىزدەن جاقسى ءبىلۋشى ەدىم.
الەكساندر ەفيموۆيچ جوعارى كاسىبي بىلىكتىلىگىمەن، بەرىك ۇستانىمدارىمەن، ادامي قاسيەتتەرىمەن ەرەكشەلەنەتىن. الەكساندر باسۋلانىڭ جارقىن بەينەسى ونى بىلەتىن ادامداردىڭ جۇرەگىندە ءاردايىم ساقتالادى" دەلىنگەن جەدەلحاتتا.
پىكىر قالدىرۋ