دەنساۋلىق ساقتاۋ مينيسترلىگى ەلدە ءبىر تاۋلىكتە 2853 ادامنان كوروناۆيرۋس انىقتالىپ، 30 ادام قايتىس بولعانىن حابارلادى.
قازاقستاندا كوروناۆيرۋس ينفەكسياسىن جۇقتىرعاندار سانى 319 818 جەتتى.
30 ساۋىردەگى اقپارات بويىنشا، كوروناۆيرۋس ينفەكسياسىنان 42 730 ادام ەمدەلۋدە، ولاردىڭ ىشىندە 15 207 پاسيەنت ستاسيوناردا، 27 523 ناۋقاس امبۋلاتوريالىق دەڭگەيدە ەم قابىلداۋدا.
كوروناۆيرۋسقا شالدىققانداردىڭ اراسىندا 763 ادامنىڭ جاعدايى اۋىر، 196 پاسيەنتتىڭ جاعدايى وتە اۋىر، 112 ناۋقاس وكپەنى جاساندى جەلدەتۋ اپپاراتىنا قوسىلعان.
ءبىر تاۋلىكتە كوروناۆيرۋس بەلگىلەرى بار پنيەۆمونيانىڭ 105 جاعدايى جانە 3 ءولىم جاعدايى تىركەلدى.
وعان قوسا 95 ادام ەمدەلىپ شىقتى.
30 ساۋىردەگى مالىمەت بويىنشا قازاقستاندا 1 184 124 ادام كوروناۆيرۋسقا قارسى ۆاكسينا سالدىرعان.
پىكىر قالدىرۋ