قازاقستاننىڭ باس سانيتار دارىگەرى ەرلان قياسوۆ شەتەلگە دەمالۋدى جوسپارلاعان قازاقستاندىقتارعا ۇندەۋ جاسادى.
– جاقىن ارادا COVID-19 بويىنشا ەپيدەميولوگيالىق احۋالى اسا قولايسىز ەلدەرگە دەمالىستى نەمەسە وزگە دە ساپارلاردى جوسپارلاعان بارلىعىڭىزعا مالىمدەمە جاساعىم كەلەدى. مەن كوروناۆيرۋس ينفەكسياسى كەڭ تاراعان ءۇندىستان، تۇركيا، سونداي-اق ەۋروپانىڭ، لاتىن امەريكانىڭ، وڭتۇستىك-شىعىس ازيانىڭ كەيبىر ەلدەرىنە بارۋدان باس تارتۋدى سۇرايمىن. اتالعان ەلدەردە كۇن سايىن ءقاۋىپتى ىندەت جۇقتىرعاندار سانى ەسەلەپ ارتىپ، انتيرەكوردتىق كورسەتكىش كۇن سايىن جاڭارۋدا، – دەدى قياسوۆ.
سونداي-اق ول كوروناۆيرۋس ينفەكسياسى جاڭا شتامدارىنىڭ جۇعۋ جىلدامدىعى وتە جوعارى جانە قوعامعا، جالپى دەنساۋلىق ساقتاۋ جۇيەسىنە اسا ءقاۋىپ توندىرەتىنىن اتاپ ءوتتى.
– سوندىقتان دەمالىستى كەيىنگە قالدىرۋعا كەڭەس بەرەمىن، ويتكەنى بۇل ءسىزدىڭ دەنساۋلىعىڭىز عانا ەمەس، ءسىزدىڭ جاقىندارىڭىزدىڭ اماندىعى، ۇلت دەنساۋلىعى ەكەنىن ۇمىتپاڭىز، – دەدى باس سانيتار دارىگەر.
پىكىر قالدىرۋ