تۇركىستان وبلىسىنىڭ تاۋلارىندا جوعالىپ كەتكەن ەكى ءتۋريستىڭ دەنەسى تابىلدى. بۇل تۋرالى توتەنشە جاعدايلار مينيسترلىگى حابارلادى.

مينيسترلىكتىڭ رەسمي وكىلى تالعات ءۋاليدىڭ مالىمدەۋىنشە، 29 مامىر كۇنى ساعات 00:30-دا ىزدەستىرۋ جۇمىستارىنىڭ بارىسىندا وگەم وزەنىنەن 1999 جىلى تۋعان ءبىر ادامنىڭ دەنەسى تابىلعان. ال ەكىنشى جىگىتتىڭ دەنەسى بۇگىن وگەم وزەنىنەن 3 شاقىرىم جەردەن تابىلعان.

– تۋريستەردىڭ دەنەسى قازاۆياقۇتقارۋ" اق مي-171 تىكۇشاعىمەن شىمكەنت قالاسىنا جونەلتىلدى. قالعان ەكى ادامدى ىزدەستىرۋ جۇمىستارى جالعاسۋدا.

جەردەگى ىزدەستىرۋدى قۇتقارۋشىلار، پوليسيا قىزمەتكەرلەرى، شەكارا قىزمەتىنىڭ ات ءپاترۋلى، ۇلتتىق پارك قىزمەتكەرلەرى جانە جوعالعانداردىڭ تۋىستارى جۇرگىزۋدە. سونداي-اق اۋەدەن ىزدەۋ ءۇشىن ق ر تجم "قازاۆياقۇتقارۋ" اق-نىڭ ەكى بورتى جۇمىس ىستەۋدە.

اتالعان فاكتى بويىنشا تۇركىستان وبلىسىنىڭ پوليسيا دەپارتامەنتى سوتقا دەيىنگى تەرگەۋدى باستادى، – دەپ حابارلادى تالعات ءۋالي.

25 مامىردا تولە بي اۋدانىنىڭ سايرام-وگەم مەملەكەتتىك ۇلتتىق تابيعي پاركىنىڭ اۋماعىندا 7 ادامنىڭ جوعالعانى حابارلانعان. كەشە ءۇش ادام ءدىن-امان تابىلعان. قالعان 2 ادام ىزدەستىرىپ جاتىر.