الماتى وبلىسىنىڭ شارىن شاتقالىندا سەل ءجۇرىپ، 2 ادام قازا تاپتى. بۇل تۋرالى توتەنشە جاعداي مينيسترلىگىنىڭ رەسمي وكىلى تالعات ءۋالي حابارلادى.

– بيىلعى جىلدىڭ 29 مامىرى كۇنى ساعات 13:25-تە الماتى وبلىسىنىڭ توتەنشە جاعدايلار دەپارتامەنتىنە الماتى وبلىسى ۇيعىر اۋدانى شارىن شاتقالىنىڭ ەتەگىندە باتپاقتى-سەل جۇرگەنى تۋرالى حابار ءتۇستى. وقيعا سالدارىنان 6 ادام زارداپ شەگىپ، 2 ادام قازا تاپتى. قازا تاپقانداردىڭ ءبىرى كامەلەتكە تولماعان. 1 ادام ءىز-تۇزسىز جوعالدى. زارداپ شەككەندەرگە جەدەل مەديسينالىق جاردەم كورسەتىلدى. جوعالعان ادامدى ىزدەۋ جۇمىستارى ءجۇرىپ جاتىر، – دەدى تالعات ءۋالي.

الماتى وبلىسى توتەنشە جاعدايلار دەپارتامەنتى باسپا ءسوز قىزمەتىنىڭ حابارلاۋىنشا، وقيعا ورنىندا 31 قۇتقارۋشى، 8 تەحنيكا جانە جەدەل جاردەمنىڭ 4 كولىگى مەن 6 قىزمەتكەرى جۇمىس ىستەپ جاتىر.

8(7282)22-02-13، 22-02-18 نومىرلەر بويىنشا ارنايى جەلى قوسىلعان. قاجەتتى پسيحولوگيالىق كومەك كورسەتىلىپ جاتىر.