قازاقستاندا جۇمىسسىز قالعان قانشا ادامعا الەۋمەتتىك جاردەماقى تولەنەتىنى بەلگىلى بولدى

/image/2021/05/30/crop-1_2_527x702_122582.jpg

قازاقستاندا بيىل 55،7 مىڭ ادام مەملەكەتتىك الەۋمەتتىك ساقتاندىرۋ قورىنان جۇمىسىنان ايىرىلۋىنا بايلانىستى الەۋمەتتىك تولەم الادى. بۇل تۋرالى ەڭبەك جانە حالىقتى الەۋمەتتىك قورعاۋ مينيسترلىگىنىڭ باسپا ءسوز قىزمەتى حابارلادى.

ۆەدومستۆو مالىمەتىنشە، وسى جىلى الەۋمەتتىك تولەم العانداردىڭ ىشىندە 33،3 مىڭ ادامعا العاش رەت تولەم تاعايىندالعان.

"قولدانىستاعى زاڭناماعا سايكەس جۇمىستان بوساتىلعان جۇمىسكەرلەر مىندەتتى الەۋمەتتىك ساقتاندىرۋ جۇيەسىنە قاتىسۋ وتىلىنە جانە سوڭعى 24 ايداعى تابىسىنا بايلانىستى 1 ايدان 6 ايعا دەيىن جۇمىسىنان ايىرىلۋى بويىنشا الەۋمەتتىك تولەمدەر الادى. تولەم جوعالعان كىرىستىڭ 40 پايىزىنا دەيىنگى مولشەردە مەملەكەتتىك الەۋمەتتىك ساقتاندىرۋ قورىنىڭ قاراجاتى ەسەبىنەن جۇزەگە اسىرىلادى" دەلىنگەن حابارلامادا.

تولەم تاعايىنداۋ ءۇشىن جۇمىستان بوساتىلعان جۇمىسكەر الدىمەن eGov.kz پورتالىنا تىركەلۋى كەرەك مۇنان سوڭ "جۇمىسقا ورنالاستىرۋ جانە جۇمىسپەن قامتۋ" بولىمىندە "جۇمىس ىزدەۋشى ادامداردى تىركەۋ" قىزمەتىن تاڭداپ، ونلاين-قىزمەتكە تاپسىرىس بەرىپ، بارلىق جولداردى تولتىرۋى جانە وعان ەسق-مەن قول قويىپ، ءوتىنىمدى جىبەرۋى قاجەت.

ءبىر كۇن ىشىندە تۇرعىلىقتى جەردەگى حالىقتى جۇمىسپەن قامتۋ ورتالىعى بوس جۇمىس ورىندارىن ۇسىنادى. ەگەر جۇمىس تابىلماسا، 3 جۇمىس كۇنى ىشىندە قاشىقتان جۇمىسسىز مارتەبەسى بەرىلەتىن بولادى (قاجەت بولعان جاعدايدا قوسىمشا اقپارات جيناۋ ءۇشىن حالىقتى جۇمىسپەن قامتۋ ورتالىعى قىزمەتكەرى حابارلاسادى).

جۇمىسسىز رەتىندە تىركەلۋ تۋرالى مالىمەتتەر بولعان كەزدە ەڭبەكمينىنىڭ اقپاراتتىق جۇيەسى پرواكتيۆتى فورماتتا مەملەكەتتىك الەۋمەتتىك ساقتاندىرۋ قورىنان تولەمدى تاعايىنداۋ بويىنشا قىزمەت كورسەتۋگە كەلىسۋ ءۇشىن ءموبيلدى تەلەفونعا SMS-حابارلاما جىبەرەدى. كەلىسكەن جاعدايدا SMS-حابارلاماعا جاۋاپ بەرۋ قاجەت. تولەم اۆتوماتتى تۇردە تاعايىندالادى.

قاتىستى ماقالالار