پرەزيدەنت قاسىم-جومارت توقايەۆ ەكى اۋدان اكىمىن قىزمەتىنەن بوساتتى. بۇل تۋرالى پرەزيدەنتتىڭ باسپا ءسوز حاتشىسى بەرىك ءۋالي Facebook-تەگى پاراقشاسىندا مالىمدەدى.
ول توقايەۆ بيىلعى 24 مامىردا "كازاحستانسكايا پراۆدا" گازەتىندە جاريالانعان "زالوجنيكي راۆنودۋشيا" اتتى ماقالادا كوتەرىلگەن ماسەلە بويىنشا تەكسەرۋ جۇمىستارىن جۇرگىزۋگە تاپسىرما بەرگەنىن حابارلادى.
ول توقايەۆ بيىلعى 24 مامىردا "كازاحستانسكايا پراۆدا" گازەتىندە جاريالانعان "زالوجنيكي راۆنودۋشيا" اتتى ماقالادا كوتەرىلگەن ماسەلە بويىنشا تەكسەرۋ جۇمىستارىن جۇرگىزۋگە تاپسىرما بەرگەنىن حابارلادى.
ماقالادا سولتۇستىك قازاقستان وبلىسىنا وڭتۇستىك وڭىرلەردەن كوشىپ كەلۋشىلەرگە ارناپ سالىنعان تۇرعىن ءۇي ساپاسىنىڭ ناشارلىعى تۋرالى ءسوز بولعان.
جۇرگىزىلگەن تەكسەرۋلەردىڭ قورىتىندىسى بويىنشا ماقالادا كەلتىرىلگەن دەرەكتەر راستالعان.
"ۇكىمەت پەن وبلىس اكىمدىگى انىقتالعان كەمشىلىكتەردى جويۋ جۇمىستارىمەن اينالىسۋدا. اتالعان باعىتتاعى ۇيىمداستىرۋ جۇمىستارىندا ولقىلىقتارعا جول بەرگەنى ءۇشىن سولتۇستىك قازاقستان وبلىسى ايىرتاۋ جانە ەسىل اۋداندارىنىڭ اكىمدەرى قىزمەتتەرىنەن بوساتىلدى. وبلىس اكىمىنىڭ ورىنباسارى، جۇمىسپەن قامتۋ جانە الەۋمەتتىك باعدارلامالاردى ۇيلەستىرۋ جونىندەگى وبلىستىق باسقارمانىڭ باسشىسى، سونداي-اق، بەس اۋداننىڭ اكىمدەرى تارتىپتىك جاۋاپكەرشىلىككە تارتىلدى" دەلىنگەن حابارلامادا.
پىكىر قالدىرۋ