رەسەي پرەزيدەنتى ۆلاديمير پۋتين پرەزيدەنتتىكتەن كەتەتىن بولسا ەلدە ەشقانداي وزگەرىس بولمايتىنىن ايتتى. بۇل تۋرالى ريا نوۆوستي سايتى حابارلادى. 

پۋتين پرەزيدەنتتىك جۇمىسىن ەندى باستاعان 2000 جىلدارداعى رەسەيدىڭ قانداي بولعانىن ەسىنە الدى.

–  رەسەيدىڭ ەگەمەندىگىن، اۋماقتىق تۇتاستىعىن ساقتاۋ شەگىندە تەڭدەستى. بۇرىن كەدەيلىك شەگىنەن تومەن ازاماتتاردىڭ سانى وراسان بولاتىن. ءقازىر جاعداي باسقاشا. ارينە كوپتەگەن پروبلەمالار بار، ءبىراق جاعداي وزگەرگەن. وسى ۋاقىت ىشىندە بيلىك تەرروريزمدى تولىقتاي تۇنشىقتىرا الدى. كەيىن مەنىڭ ورنىما باسقا ادام كەلەدى. نەلىكتەن مۇنىڭ ءبارى قۇلدىراۋى كەرەك، – دەدى پۋتين. 

ونىڭ ايتۋىنشا، ساياسي ساحنادا ءارتۇرلى كوزقاراستاعى ادامدار پايدا بولۋى مۇمكىن. ول ءوز تاعدىرىن ەل تاعدىرىمەن بايلانىستىرعان.

– مەن ءۇشىن رەسەيدى نىعايتۋدان ماڭىزدى مىندەت جوق. ەگەر ەلگە ادال جانە بۇكىل ءومىرىن وتان ءۇشىن قۇربان ەتۋگە دايىن، سىندارلى كوزقاراسى بار ادام بولسا، ول بارلىق قولداۋعا يە بولادى. ارينە بۇل تابيعي پروسەسس. ءبارىمىزدىڭ ورنىمىزعا باسقا ادام كەلەدى. ءبىراق مەن رەسەي مەملەكەتتىلىگىنىڭ، رەسەي ەكونوميكاسىنىڭ، ساياسي جۇيەسىنىڭ ىرگەلى نەگىزدەرى ونىڭ اياعىنا نىق تۇرىپ، بولاشاققا سەنىممەن قارايتىنىنا سەنىمدىمىن، – دەدى پۋتين.