الماتى قالاسى پوليسيا دەپارتامەنتى ينتەرنەت-الاياقتار ءجيى قولداناتىن ىس-ارەكەتتەر تىزبەگىن اتاپ، تۇرعىندارعا ەسكەرتۋ جاسادى.
– جوق تاۋاردى (نارىقتا تانىمال برەندتەردىڭ ۇيالى تەلەفوندارى، اۆتوكولىكتەر، جابدىقتار جانە ت.ب.) الەۋمەتتىك جەلىدە جانە OLX.KZ، Market.kz، Krisha.kz، Kolesa.kz سەكىلدى قوسىمشالاردا تومەن باعامەن ساتۋ ءتاسىلى. كليەنت ءونىمدى تاڭداپ، ەلەكتروندىق ءاميانعا الدىن-الا تولەم جاساعان سوڭ ساتۋشى ونى بارلىق الەۋمەتتىك جەلىلەردە بۇعاتتايدى.
– وزدەرىن بانكتەردىڭ قاۋىپسىزدىك قىزمەتىنەن دەپ تانىستىرىپ، قوڭىراۋ شالادى. كارتوچكادا كۇدىكتى ترانزاكسيا ءجۇرىپ جاتقانىن جانە قاراجاتتى "ساقتاندىرۋ شوتىنا" اۋدارۋ كەرەك ەكەنىن ايتادى، نەمەسە ابونەنتتىك نومىرگە كەلگەن كودتى جازىپ جىبەرۋدى سۇرايدى.
- ساتۋعا قويىلعان تاۋاردىڭ ساتىپ الۋشىسى بولىپ قوڭىراۋ شالادى. تاۋاردى الۋعا دايىن ەكەنىن، ءبىراق ءقازىر قالادا ەمەستىگىن جەتكىزەدى. ارتىنشا ساتىپ الۋشىنىڭ ەسەپشىسى بايلانىسىپ، اقشا اۋدارىمىن جۇزەگە اسىرۋ ءۇشىن CVV كودى بار بانك كارتاسىنىڭ تولىق مالىمەتتەرىن نەمەسە تەلەفونعا كەلگەن كودتى جازۋدى سۇرايدى.
- پاتەر مەن كوتتەدجدى نارىقتىق باعادان تومەن باعامەن جالعا بەرۋشى تۇرىندەگى الاياقتار. ولار كارتوچكاعا نەمەسە "Qiwi" ءاميانعا كەپىلدىك رەتىندە الدىن الا سالىم اۋدارۋدى سۇراي وتىرىپ، جىمىسقى ارەكەتىن جۇزەگە اسىرادى.
- "Kolesa.kz" سايتى ارقىلى جوق كولىكتى ساتۋ، مۇندا دا كارتاعا نەمەسە "Qiwi" ءاميانعا اقشا اۋدارۋ ارقىلى الدىن-الا سالىم سالۋدى سۇرايدى.
- الەۋمەتتىك جەلىلەردە، اتاپ ايتقاندا، "Instagram"-دا اقشانى "اينالدىرۋدى" ۇسىناتىن اككاۋنتتار بار. ولار قىسقا مەرزىمدە ۇلكەن ديۆيدەندتەر ۋادە ەتەدى، مىسالى، 30 000 تەڭگە سالىنسا، ولار 5 ساعات ىشىندە 300 000 تەڭگە قىلىپ قايتارىپ بەرۋگە ۋادە بەرەدى.
- شەتەلدىك ينۆەستيسيالىق باعدارلامالاردىڭ (QuestraWorld، AssetWorldManagement جانە ت.ب.) قىزمەتكەرلەرى ءارتۇرلى ەلدەردىڭ ءارتۇرلى ابونەنتتىك نومىرلەرىنەن قوڭىراۋ شالىپ، ادامداردى ەڭ ءتيىمدى باعدارلاما بار ەكەنىنە سەندىرۋگە تىرىسىپ، سالىپ سالۋعا ۇگىتتەيدى. شوتتى بۇعاتتان بوساتۋ ءۇشىن نەمەسە كوميسسيا تولەمىنە قوسىمشا قاراجات سۇراۋى مۇمكىن، ونى تولەگەننەن كەيىن اقشانى ۇلكەن ديۆيدەندتەرمەن قايتارۋعا ۋادە بەرەدى.
پوليسيا دەپارتامەنتى مۇنداي كۇماندى جوبالار الاياقتاردىڭ ارام وينى ەكەنىن ەسكەرتىپ، ەشقاشان اقشا سالماۋعا شاقىرادى.
پىكىر قالدىرۋ