– بۇل تۋرالى نە ءۇشىن ايتادى... بۇل حالىققا جاقسى ما، الدە جامان با، ول تۋرالى نە ءۇشىن ەشكىم ەشنارسە دەمەيدى؟ ەگەر ماسەلە ەلدىڭ تۇراقتى دامۋىمەن، ابىرويىن كوتەرۋمەن بايلانىستى بولسا، نەلىكتەن ايتپاسقا؟ نە سەبەپتى ءاربىر مەملەكەتكە وزىندىك ءستيلىن، ءوز جۇيەسىن قالىپتاستىرۋعا بولمايدى؟ مەن ءۇشىن حالقىمنىڭ ايتقانى ماڭىزدى. مەن لاۋازىمىمدى بەدەلىم تاسىپ تۇرعان كەزدە بوساتتىم. 2015 جىلى سايلاۋدا مەن 95% داۋىسقا يە بولدىم. ارينە، قازىرگى ۋاقىت ءۇشىن بۇل ساندار وتە جوعارى، ادام سەنگىسىز. ءبىراق ولار مەنى ءومىر بويى پرەزيدەنت رەتىندە قالدىرعىسى كەلدى. ءبىراق مەن ونىمەن كەلىسپەدىم، –دەيدى نازاربايەۆ. 

ايتۋىنشا، نازاربايەۆقا "ءومىر بويى بيلىك ەت" دەگەندەر بولعان. 

– مەن مۇلدەم بيلىكتەن الىستاپ كەتكىم كەلدى. ءبىراق ماعان ءومىر بويىنا قالىڭىز دەدى. مەن ولارعا "جوق مەن قالمايمىن، سايلاۋ وتكىزەيىك، قاۋىپسىزدىك كەڭەسى مەن ساياسي پارتيادا بولامىن" دەپ ايتتىم. وسىلاي كەلىستىك. كونستيتۋسيالىق زاڭ قابىلدادىق. ءبىزدىڭ پارلامەنت، ءبىزدىڭ كونستيتۋسيا، ءبىزدىڭ زاڭدار بويىنشا مەنىڭ ستاتۋسىم انىقتالادى. مەملەكەتتى قازىرگى پرەزيدەنت باسقارادى، مەن ارالاسپايمىن. مەن وعان كەدەرگى بولمايمىن. كەرىسىنشە، قاجەت بولعان جاعدايدا وعان اقىل-كەڭەسىمدى ايتىپ وتىرامىن. بيلىك پرەزيدەنتتىڭ قولىندا. ونىڭ قۇزىرەتى كونستيتۋسيادا جازىلعان»، – دەدى ەلباسى. 

قازاقستاننىڭ تۇڭعىش پرەزيدەنتى نۇرسۇلتان نازاربايەۆ ەلدى 30 جىلعا جۋىق باسقارىپ، 2019 جىلعى 19 ناۋرىزدا ءوز ەركىمەن وكىلەتتىگىن توقتاتقان. دەگەنمەن ول ۇلكەن سياياساتتان تولىق كەتكەن جوق. ن.نازاربايەۆ بۇگىندە قازاقستان رەسپۋبليكاسىنىڭ قاۋىپسىزدىك كەڭەسىنە، "Nur Otan" پارتياسىنا، "سامۇرىق-قازىنا" ۇلتتىق ءال-اۋقات قورىن باسقارۋ جونىندەگى كەڭەسكە، نازاربايەۆ ۋنيۆەرسيتەتى، زياتكەرلىك مەكتەبى جانە قوردىڭ جوعارى قامقورشىلىق كەڭەسىنە ءتوراعالىق ەتەدى.