پرەمەر-مينيستر اسقار مامين ەلدە كوروناۆيرۋس ينفەكسيانىڭ تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ (ۆاك) وتىرىسىن وتكىزدى.

ۆاك ەل بويىنشا سىرقاتتانۋشىلىق پەن ءولىم-جىتىمنىڭ 55%-ىن قۇرايتىن نۇر-سۇلتان جانە شىمكەنت قالالارىندا، قاراعاندى جانە اتىراۋ وبلىستارىندا كارانتيندىك شارالاردى قاتاڭداتۋ تۋرالى شەشىم قابىلدادى.

وعان ساي:

• "Ashyq"-قا قاتىساتىن وبەكتىلەردى قوسپاعاندا، قالاارالىق، وبلىسىشىلىك، قالالىق تۇراقتى جانە تۇراقتى ەمەس (تۋريستىك) اۆتوبۋس جانە ميكرواۆتوبۋس تاسىمالدارى ۋاقىتشا توقتاتىلادى. جابىق جاعاجايلار مەن اكۆاپاركتاردىڭ، اتتراكسيونداردىڭ قىزمەتى توقتاتىلادى.
• دەمالىس كۇندەرى "اshyq"-قا قاتىساتىنىنا قاراماستان، قوعامدىق كولىكتىڭ، سوسو-نىڭ، ساۋدا ۇيلەرىنىڭ، ساۋدا جەلىلەرىنىڭ، سپورت وبەكتىلەرىنىڭ (سپورت كەشەندەرىنىڭ، سپورت مەكتەپتەرىنىڭ، سپورت كلۋبتارىنىڭ، جاتتىعۋ زالدارىنىڭ)، قوعامدىق تاماقتانۋ وبەكتىلەرىنىڭ، فۋدكورتتاردىڭ (تاماق جەتكىزۋمەن جۇمىس ىستەۋگە رۇقسات ەتىلەدى)، فيتنەس-ورتالىقتاردىڭ، فيتنەس-كلۋبتاردىڭ، يوگا-ورتالىقتاردىڭ، سپورتتىق-ساۋىقتىرۋ نىساندارىنىڭ، ساۋنالاردىڭ، مونشالاردىڭ، سپا-ورتالىقتاردىڭ، باسسەيندەردىڭ، كينوتەاترلاردىڭ، تەاترلاردىڭ، كونسەرت زالدارىنىڭ، فيلارمونيالاردىڭ، سيركتەردىڭ، الاڭى 1000 م² اساتىن ازىق-تۇلىك ەمەس تاۋارلاردى ساتاتىن وبەكتىلەردىڭ، اشىق جانە جابىق بازارلاردىڭ، كومپيۋتەرلىك كلۋبتاردىڭ، بوۋلينگتەردىڭ، بيلياردتىڭ، كاراوكەنىڭ، تۇنگى كلۋبتاردىڭ، ءبىلىم بەرۋ ورتالىقتارىنىڭ، بالالار مەن ەرەسەكتەرگە ارنالعان ۇيىرمەلەردىڭ، بالالاردى دامىتۋ ورتالىقتارىنىڭ، بالالاردىڭ ويىن-ساۋىق ورتالىقتارىنىڭ، بانكتەردىڭ، حقكو-لاردىڭ، قازپوشتا بولىمشەلەرىنىڭ، ءدىني نىسانداردىڭ جۇمىسىنا تىيىم سالىنادى.
• جۇمىس كۇندەرى ساعات 17:00-گە دەيىن بالالار ويىن-ساۋىق ورتالىقتارىنىڭ (ويىن الاڭدارى، جابىق عيماراتتارداعى اتتراكسيوندار)، سوسو، ساۋدا ۇيلەرىنىڭ، ساۋدا جەلىلەرىنىڭ، اشىق جانە جابىق بازارلاردىڭ قىزمەتى شەكتەلەدى.
• جۇمىس كۇندەرى ساعات 17:00-گە دەيىن ("Ashyq" قاتىسۋشىلارى – ساعات 20:00-گە دەيىن) قوعامدىق تاماقتانۋ وبەكتىلەرىنىڭ، فۋدكورتتاردىڭ، فيتنەس-ورتالىقتاردىڭ، فيتنەس-كلۋبتاردىڭ، يوگا-ورتالىقتاردىڭ، سپورتتىق-ساۋىقتىرۋ وبەكتىلەرىنىڭ، ساۋنالاردىڭ، سپا-ورتالىقتارىنىڭ، سپورت وبەكتىلەرىنىڭ، باسسەيندەردىڭ، كينوتەاترلاردىڭ قىزمەتى شەكتەلەدى.
• ۆاكسينا سالدىرعان جانە سوڭعى 3 اي ىشىندە كوروناۆيرۋستان جازىلىپ شىققان ادامداردى قوسپاعاندا، بارلىق ۇيىمداردىڭ 80% قىزمەتكەرى ءۇشىن قاشىقتان جۇمىس ىستەۋ فورماتى ەنگىزىلەدى.

ۇكىمەت باسشىسى وڭىرلەردىڭ اكىمدىكتەرىنە، اسىرەسە ماڭعىستاۋ، باتىس قازاقستان جانە اقتوبە وبلىستارىندا ۆاكسينالاۋ قارقىنىن كۇشەيتۋدى تاپسىردى.