رەسەيدە ءبىر تاۋلىكتە 786 ادام قايتىس بولىپ، كوروناۆيرۋس ەپيدەمياسى باستالعاننان بەرگى رەكوردتىق كورسەتكىش تىركەلدى. ءولىم-جىتىمنىڭ جالپى سانى 145 مىڭنان استى. بۇل تۋرالى رەسەيلىك ربك اقپاراتتىق سايتى حابارلادى.
رەسەيلىك كوروناۆيرۋس ينفەكسياسىن باقىلاۋ ورتالىعى جاساعان مالىمدەمەگە سايكەس، سوڭعى 24 ساعات ىشىندە ەلدە كوروناۆيرۋسپەن اۋىرعاندار سانى 23 827-گە ارتىپ، 5 857 000-گە، ال اۋرۋدان ساۋىققاندار سانى 5 257 483-كە جەتكەن.
كوروناۆيرۋستىڭ العاشقى جاعدايى رەسەيدە 2020 جىلعى 31 قاڭتاردا انىقتالعان. ال ۆيرۋستان العاشقى ءولىم 2020 جىلعى 19 ناۋرىزدا تىركەلگەن. رەسەيدە جاپپاي ۆاكسيناسيالاۋ پروسەدۋراسى 18 قاڭتاردا باستالدى.
حالىق تىعىز قونىستانعان ماسكەۋ مەن سانكت-پەتەربۋرگ قالالارىندا مەملەكەتتىك قىزمەتتە ىستەيتىندەر كوروناۆيرۋسقا قارسى ۆاكسيناسيادان وتۋگە مىندەتتەلگەن. ماسكەۋدە 1 شىلدەدەن باستاپ كوروناۆيرۋسقا قارسى "قايتا" ۆاكسيناسيالاۋ پروسەسى باستالدى. رەسەيدە حالىققا ەكى دوزالى "سپۋتنيك V" جانە ءبىر رەتتىك "سپۋتنيك Light" دوزاسى ەگۋىلىپ جاتىر.
پىكىر قالدىرۋ