ول ءبىراز ۋاقىت توكيوداعى اباقتادى وتىرىپ، ارتىنشا 9 ملن دوللار كەپىلمەن ءۇي قاماققا شىعارىلعان. گون ءۇشىن سوت پروسەسى قاشان وتەرى بەيمالىم بولعان. بۇل بەلگىسىزدىك جىلدارعا سوزىلۋى مۇمكىن ەدى. گون كىنالى دەپ تانىلسا، 15 جىلعا باس بوستاندىعىنان ايىرىلۋ ءقاۋپى ءتونىپ تۇردى.

گون ءۇيقاماقتا وتىرعاندا ايەلى كەرولمەن سويلەسۋىنە رۇحسات ەتىلىپ، ول "وسى ءساتتى پايدالانۋ كەرەك" دەپ شەشەدى.

– جوسپارعا ساي، مەن ءتۇرىمدى كورسەتە المايمىن، سوندىقتان ماعان جاسىرىنۋعا تۋرا كەلدى. ال جاسىرىناتىن جالعىز جول – قوراپ نەمەسە باگاج عانا ەدى. مەن ۇلكەن قوراپ رەتىندە كادىمگى مۋزىكالىق ينسترۋمەنتتەر سالىناتىن قوراپتى قولدانۋدى ەڭ اقىلعا قونىمدى امال دەپ ويلادىم. ونىڭ ۇستىنە ول كەزدە جاپونيادا كوپتەگەن كونسەرتتەر ءوتىپ جاتقان، –  دەيدى ول.

– ءسىز مۇندايدا قورىقپايسىز، ەش ەموسيا بولمايدى. تەك مۇمكىندىكتى ۋىستان شىعارىپ الۋعا بولمايتىنىنا جان-تانىڭمەن دايىندالاسىڭ. ەگەر مۇمكىندىكتى جىبەرىپ الساڭ، ونىڭ قۇنى ومىرمەن پارا-پار ەكەنىن تۇسىنەسىڭ، –  دەيدى ول.

جەكە ۇشاق كەدەن مەن شەكارالىق پروسەدۋرالاردان اينالىپ ءوتىپ، گوندى تۇركياعا جەتكىزەدى. ارى قاراي ۇشاقتى اۋىستىرىپ، كەلەسى كۇنى تاڭەرتەڭ گون بەيرۋتكە قونادى. گوننىڭ ليۆانعا كەلۋى كەزدەيسوق ەمەس. ويتكەنى ءدال وسى ليۆان مەن جاپونيا اراسىندا قىلمىسكەرلەردى ەكستراديسيالاۋ تۋرالى كەلىسىم جوق. ونىڭ ۇستىنە گون ۇلتى بويىنشا –  ليۆاندىق.

ال وعان قاشۋعا كومەكتەسكەن مايكل تەيلور مەن ونىڭ ۇلى پيتەردى اقش جاپونيا پوليسياسىنا تاپسىرعان. ولار گوننىڭ قاشۋىنا كومەكتەسكەنى ءۇشىن 3 جىلعا باس بوستاندىعىنان ايىرىلۋى مۇمكىن.

كارلوس گون وزىنە قاتىستى ءىس بويىنشا وزگە ادامدار قۇقىق جۇيەسىنىڭ قۇربانى بولىپ جاتقانىنا وكىنىش بىلدىرەدى. ول قاشۋ ارەكەتىن "جازادان قورىققاندىقتان قاشپادىم، ادىلەتسىزدىكتەن قاشتىم" دەپ تۇسىندىرەدى.