16 شىلدە كۇنى باتىس قازاقستان وبلىسى بوكەيوردا اۋدانىنىڭ بيسەن اۋىلىندا 11 جاستاعى ءجاسوسپىرىم ءوزىن كارابين تاپانشاسىمەن ابايسىزدا اتىپ ولتىرگەن، دەپ جازادى Mgorod سايتى. اقپاراتتى وبلىس اكىمدىگى راستادى.

11 جاسار بالا العان جاراقاتىنان سول جەردە قايتىس بولعان.

– وتاعاسى جەكە شارۋاقوجالىعىمەن اينالىسادى. قايعىلى وقيعا ءدال قالاي بولعانىن ايتا المايمىز، – دەپ حابارلادى بوكەيوردا اۋدانىنىڭ اكىمشىلىگىندەگىلەر.

وبلىستىق دەنساۋلىق ساقتاۋ باسقارماسى باسپا ءسوز قىزمەتىنىڭ مالىمەتىنشە، وقيعا بولعان كەزدە ءجاسوسپىرىمنىڭ اتا-اناسى ۇيدە بولماعان.

– جەدەل جاردەمگە قوڭىراۋ ساعات 12.30-دا كەلىپ ءتۇستى. وكىنىشكە قاراي، بالا جەدەل جاردەم كەلگەنگە دەيىن قايتىس بولدى، – دەدى دەپارتامەنت وكىلى.

قايتىس بولعان بالا بيىل 6-سىنىپتى بىتىرگەن.