قىزىلوردا وبلىسىنىڭ مادەنيەت باسقارماسىنىڭ باسشىسى پارا الۋ بويىنشا كۇدىككە ءىلىندى. بۇل تۋرالى سىبايلاس جەمقورلىققا قارسى ءىس-قيمىل اگەنتتىگى حابارلادى.
قىزىلوردا وبلىسى بويىنشا سىبايلاس جەمقورلىققا قارسى قىزمەتى جەكە كاسىپكەردەن وبەكتىنى كەدەرگىسىز قابىلداپ وعان تيەسىلى قارجىنى ۋاقىتىلى اۋدارىپ بەرۋ ءۇشىن 1 ملن. تەڭگە كولەمىندە پارا الۋ كۇدىگىمەن قىزىلوردا وبلىسىنىڭ مادەنيەت، ارحيۆتەر جانە قۇجاتتاما باسقارماسىنىڭ باسشىسىن اشكەرەلەدى" دەلىنگەن اگەنتتىك تاراتقان حابارلامادا.
سوت سانكسياسىمەن كۇدىكتىگە قاتىستى "كۇزەتپەن ۇستاۋ" تۇرىندەگى بۇلتارتپاۋ شاراسى قولدانىلدى.
باسقا اقپاراتتار تەرگەۋ قۇپيالىلىعىنا بايلانىستى جاريالانۋعا جاتپايدى.
پىكىر قالدىرۋ