بەلگىلى سپورتشى قۋات حاميتوۆ الەۋمەتتىك جەلىدەگى پاراقشاسىندا الماتى كوشەلەرىندە ادامداردى ۋلاۋ جۇمىستارى جۇرگىزىلىپ جاتىر دەگەن ۆيدەو جاريالادى.
– ساعات تۇنگى 12:00. اينابۇلاق اۋدانى. نە بولىپ جاتقانىن قاراڭىزدار. ارتىندا ءبىر كولىك ءجۇرىپ كەلەدى. "Highlander" 054. ال، الدىندا تراكتور. ءبىزدى ۋلاپ جاتىر. وسىدان كەيىن اۋىرامىز.
بۇل گەنوسيدتى توقتاتاتىن زاڭ بارما؟ الدە ءوزىمىز اينالىسۋىمىز قاجەت پە، –دەپ جازدى سپورتشى.
الماتىنىڭ جاسىل ەكونوميكا باسقارماسى جەلىدەگى بۇل ۆيدەوعا تۇسىنىكتەمە بەردى.
"كورسەتىلگەن مەكەن جايدا "دەزينفەكسيا" مەكەمەسى جاسىل جەلەكتەردى زيانكەستەردەن بيولوگيالىق پرەپاراتتارمەن وڭدەۋ بويىنشا جۇمىستار جۇرگىزۋدە. جۇمىس ءتيىمدى بولۋى ءۇشىن تۇنگى ۋاقىتتا جۇرگىزىلەدى، ويتكەنى بيولوگيالىق پرەپارات ۋلتراكۇلگىن ساۋلەلەردىڭ اسەرىنەن تيىمدىلىگىن جوعالتادى"، دەلىنگەن دەپارتامەنت تاراتقان حابارلامادا.
الماتى قالاسىنىڭ سانيتارلىق-ەپيدەميولوگيالىق باقىلاۋ دەپارتامەنتىنىڭ مالىمەتىنە سۇيەنسەك، بيولوگيالىق پرەپارات 400 ءتۇرلى جاندىكتەرگە قارسى قولدانىلادى.
ەسكە سالا كەتەيىك، سپورتشى قۋات حاميتوۆ 2020 جىلى قىركۇيەكتە دەزينفەكسيا جاساۋشىلار "حالىقتى ۋلاپ جاتىر" دەپ جەلىدە ۆيدەو ۇندەۋ جاساپ، ولاردى ۇرىپ-سوعۋعا ۇندەگەن بولاتىن.
المالى اۋداندىق سوتى اتالعان ءىس بويىنشا قىلمىستىق كودەكستىڭ 272-بابى 3-بولىگى بويىنشا (بيلىك وكiلدەرiنiڭ زاڭدى تالاپتارىنا بەلسەندى تۇردە باعىنباۋعا جانە جاپپاي ءتارتiپسiزدiككە شاقىرۋ نە جاپپاي تارتىپسىزدىككە ارانداتۋ) قۇقىق بۇزۋشىلىق جاسادى دەگەن كۇدىكپەن قۋات حاميتوۆكە قاتىستى قىلمىستىق ءىس قوزعاعان.
ال 2021 جىلدىڭ 28 قاڭتارىندا سوت شەشىمىمەن قۋات حاميتوۆ 6 ايعا باس بوستاندىعىنان شەكتەلگەن.
پوسموترەت ەتۋ پۋبليكاسيۋ ۆ Instagram
پىكىر قالدىرۋ