مەملەكەت باسشىسىنىڭ بۇقارالىق سپورتتى دامىتۋ، بالالارعا سپورتتىق ينفراقۇرىلىمنىڭ بارىنشا قولجەتىمدى بولۋىن قامتاماسىز ەتۋ تاپسىرماسىنا سايكەس شىمكەنت قالاسى اباي اۋدانىندا زاماناۋي اشىق سپورت الاڭشاسى ەل يگىلىگىنە بەرىلدى.

سامال 3 شاعىن اۋدانى ىزگىلىك جانە يۋسۋپوۆ كوشەسىنىڭ قيىلىسىندا ورنالاسقان كوپ فۋنكسيونالدى سپورت الاڭشاسىنىڭ اشىلۋ راسىمىنە شىمكەنت قالاسىنىڭ اكىمى مۇرات ايتەنوۆ قاتىستى. قالا باسشىسى بۇقارالىق سپورتتى دامىتۋدىڭ نەگىزىندە ساۋ ءارى سانالى ۇرپاقتى، مىقتى ۇلتتى قالىپتاستىراتىنىمىزدى ايتىپ ءوتتى. سونىمەن بىرگە بارشا قالا تۇرعىندارىن سالاۋاتتى ءومىر سالتىن ۇستانۋعا شاقىردى.

سپورت الاڭشا جەكە كاسىپكەر «Eurasian Resources Group» ءجشس-نىڭ جەكە قورى دەمەۋشىلىگى ەسەبىنەن سالىندى. قارجى كولەمى – 14،5 ملن تەڭگە. قۇرىلىسىن جۇرگىزگەن مەردىگەر مەكەمە «فەرروتەكس» جشس-گى. جالپى اۋدانى 324 شارشى مەتردى قۇرايتىن بۇل نىساندا سپورتتىق جابدىقتارمەن جانە دەنە شىنىقتىرۋعا ارنالعان قوندىرعىلارمەن جابدىقتالعان. مۇندا سپورتتىڭ ۆولەيبول، باسكەتبول فۋتبول تۇرىمەن جانە ستريت ۆوركاۋتپەن اينالىسۋعا بولادى.

بۇحارباي پارمانوۆ، شىمكەنت قالاسى اباي اۋدانىنىڭ اكىمى
– ءوزىڭىزدىڭ تۇرعىنداردىڭ بۇقارالىق سپورتپەن اينالىسۋى مەن قولايلى ءومىر سۇرۋىنە جاعداي جاساۋ تۋرالى بەرگەن تاپسىرماڭىزعا سايكەس وسى جىلى بالالار جانە سپورت الاڭشالارىن ورناتۋ جۇمىستارىنا 1 ملرد 389 ملن.تەڭگە قارجى ءبولىندى. بۇل قارجىلار 21 كوپقاباتتى تۇرعىن ءۇي اۋلالارىن اباتتاندىرۋعا، 12 سپورت الاڭشالارىن اعىمداعى جوندەۋگە، 35 سپورت الاڭشالارىن ورناتۋعا جۇمسالادى.

بۇقارالىق سپورتتى دامىتۋ بويىنشا اتقارىلعان جۇمىستار جايىن ايتىپ وتكەن اۋدان اكىمى ب.پارمانوۆ 2014 جىلدان بەرى اۋداندا جالپى 222 اۋلا اباتتاندىرىلىپ، 58 سپورت الاڭشاسى سالىنعانىن جەتكىزدى. سونىمەن قاتار، شىمكەنت قالاسى ەڭبەكشى اۋدانىندا دەمەۋشى ەسەبىنەن سالىنعان جاڭا سپورت الاڭشاسى پايدالانۋعا بەرىلدى.

جەكە كاسىپكەر «Eurasian Resources Group» ج ش س–ءنىڭ جەكە قورى ەسەبىنەن سالىنعان تاعى ءبىر سپورت الاڭشاسى ەڭبەكشى اۋدانىندا اشىلدى. قاراباستاۋ تۇرعىن الابىنداعى پايدالانۋعا بەرىلگەن كوپ فۋنكسيونالدى سپورت الاڭشاسىنىڭ اشىلۋ راسىمىنە شىمكەنت قالاسىنىڭ اكىمى مۇرات ايتەنوۆ قاتىستى.

سپورت الاڭشا جەكە كاسىپكەر «Eurasian Resources Group» ءجشس-نىڭ جەكە قورى دەمەۋشىلىگى ەسەبىنەن سالىندى. قارجى كولەمى – 13 ملن تەڭگە. قۇرىلىسىن جۇرگىزگەن مەردىگەر مەكەمە «فەرروتەكس» جشس-گى. جالپى اۋدانى 324 شارشى مەتردى قۇرايتىن بۇل نىساندا سپورتتىق جابدىقتارمەن جانە دەنە شىنىقتىرۋعا ارنالعان قوندىرعىلارمەن جابدىقتالعان. مۇندا سپورتتىڭ ۆولەيبول، باسكەتبول فۋتبول تۇرىمەن جانە ستريت ۆوركاۋتپەن اينالىسۋعا بولادى.

سپورت الاڭشاسىن تانىستىرۋ بارىسىندا اۋدان اكىمى د.ەسىلبەك 2011-2020 جىلدار ارالىعىندا اۋدان اۋماعىندا 85 الاڭشا قۇرىلعانىن جانە وسى جىلى 15 سپورت الاڭشاسىن قۇرۋ جوسپارلانىپ جاتقانىن باياندادى.
ايتا كەتەيىك، قاراباستاۋ تۇرعىن الابىندا 8932 حالىق تۇرادى. ونىڭ ىشىندە جالپى بالالار سانى 3370.