شىمكەنتتە سەل ءقاۋپىنىنىڭ الدىن الاتىن مونيتورينگ جۇرگىزۋ جۇيەلەرى ورناتىلدى. بۇل جونىندە بۇگىن قالا اكىمىنە ءبىرىنشى جارتى جىلدىقتا اتقارىلعان جۇمىستار جايىن بايانداعان شىمكەنت قالاسى توتەنشە جاعدايلار دەپارتامەنتىنىڭ باسشىسى ماديار جاقسىبايەۆ ءمالىم ەتتى.

سۋ ايدىندارىنداعى جاعدايدى ودان ءارى تالداۋ ءۇشىن دەرەكتەر دەپارتامەنتتىڭ داعدارىس ورتالىعىنىڭ جەدەل باسقارۋ پۋلتىنە GSM نەمەسە راديوارنالار ارقىلى كەلىپ تۇسەدى. داچيك ۋلترادىبىستىق تولقىنداردىڭ كومەگىمەن ساۋلە تاراتقىشتان سۋ بەتىنە دەيىنگى قاشىقتىقتى ميلليمەترگە دەيىنگى دالدىكپەن انىقتايدى.

ماديار جاقسىبايەۆ، شىمكەنت قالاسى توتەنشە جاعدايلار دەپارتامەنتىنىڭ باسشىسى
- «2020-2021 جىلعى سيفرلاندىرۋدى جانە سيفرلىق ينفراقۇرىلىمدى دامىتۋ» جول كارتاسىنىڭ اياسىندا قالا اۋماعىندا سەل ءقاۋپىنىڭ الدىن الۋ ماقساتىندا تاۋلىك بويى باقىلاۋ ءۇشىن بادام وزەنى، بادام جانە توعىس سۋ قويمالارىندا سۋ توگىلۋ مەن سۋ تاسقىنى جاعدايىنا مونيتورينگ جۇرگىزۋ جۇيەلەرى ياعني، داچيكتەر ورناتىلدى.

جالپى قالا اۋماعىندا 4 سۋ قويمالارى - بادام (61،5 ملن.م3)، توعىس (4،6 ملن.م3)، اكجار (0،6ملن.م3)، تەكەسۋ (1 ملن.م3) ورنالاسقان. سونىمەن قاتار قالا اۋماعىنان 3 وزەن - بادام، قوشقار-اتا، سايرام-سۋ جانە 30-دان استام كانال اعىپ وتەدى. قازىرگى تاڭدا، سۋ قويمالارىنىڭ جاعدايلارى قاناعاتتاندىرارلىق.

سۋ تاسقىنىنىڭ الدىن الۋ جۇمىستارى ءجىتى باقىلاۋدا بولۋ قاجەتتىگىن ايتقان قالا باسشىسى وزەندەردەن باستاۋ الاتىن ارنالاردى تازالاۋدى تاپسىردى.