ءبىلىم جانە عىلىم مينيسترلىگى 2021-2022 وقۋ جىلىنداعى ماگيستراتۋرا گرانتتارى يەگەرلەرىنىڭ ءتىزىمىن جاريالادى.
كوميسسيا قۇرامىندا مەملەكەتتىك ورگاندار مەن ۇكىمەتتىك ەمەس ۇيىمداردىڭ وكىلدەرى، جۋرناليستەر، قازاقستان ستۋدەنتتەرىنىڭ اليانسى جانە "وتانداستار" قورىنىڭ وكىلدەرى بولعان.
ءبىلىم بەرۋ گرانتتارى كەشەندى تەستىلەۋ (كت) ناتيجەلەرى بويىنشا كونكۋرستىق نەگىزدە بەرىلگەن. وتكەن جىلمەن سالىستىرعاندا وقۋعا تۇسۋشىلەر سانى 2 مىڭعا ارتىپ، تەستىلەۋگە 36 مىڭ ادام قاتىسقان.
بيىل عىلىمي-پەداگوگيكالىق ماگيستراتۋراعا 12 329 گرانت جانە بەيىندىك ماگيستراتۋراعا 500 گرانت بولىنگەن. "شەت ءتىلى مۇعالىمدەرىن دايارلاۋ"، "اقپاراتتىق تەحنولوگيالار"، "ماتەماتيكا مۇعالىمدەرىن دايارلاۋ" جانە "قۇقىق" باعىتتارى سۇرانىسقا يە.
بارلىق گرانت يەگەرلەرى 28 تامىزعا دەيىن جوعارى وقۋ ورنىنىڭ ۆيرتۋالدىق قابىلداۋ كوميسسيالارى ارقىلى جوو-عا قۇجاتتارىن تاپسىرۋى ءتيىس.
گرانت يەگەرلەرىنىڭ ءتىزىمى
پىكىر قالدىرۋ