قاراعاندىنىڭ توتەنشە جاعدايلار دەپارتامەنتى وبلىستاعى ءىرى كاسىپورىنداردىڭ بىرىنەن ءورت شىققانىن حابارلادى.
قالا تۇرعىندارى قاراعاندى-سورتيروۆوچنايا ستانسياسىندا ءورت بولىپ جاتقانىن الەۋمەتتىك جەلىلەردە جاريالادى.
كادرلاردان ءورت قالدىقتاردى شىعارۋمەن جانە قايتا وڭدەۋمەن اينالىساتىن TOO Ecoindustry ج ش س كاسىپورنىنىڭ اۋماعىندا بولعانىن كورۋگە بولادى. ءورتتى سوندىرۋگە وبلىستىڭ توتەنشە جاعدايلار دەپارتامەنتى قىزمەتكەرلەرى جۇمىلدىرىلعان.
"شيكىزاتتى وڭدەۋ زاۋىتىنىڭ اۋماعىندا بۇرىن قولدانىلعان اۆتوكولىك دوڭعالاقتارىنىڭ تىستارى جانىپ جاتىر. جالىن شامامەن 1000 شارشى مەتردى اۋماقتى شارپىدى. عيماراتتار مەن تۇرعىن ءۇي قۇرىلىسىنا ءقاۋىپ جوق" دەلىنگەن وبلىستىڭ تجد تاراتقان حابارلامادا.
وقيعا ورنىنا 12 تەحنيكا، سونىڭ ىشىندە سىيىمدىلىعى 30 توننا اۆتوسيستەرنا، تج دەپارتامەنتى جەكە قۇرامىنىڭ 45 ادامى مەن سىيىمدىلىعى 100 توننا قتج ءورت ءسوندىرۋ پويىزى جۇمىلدىرىلعان.
پوسموترەت ەتۋ پۋبليكاسيۋ ۆ Instagram
پىكىر قالدىرۋ