ءابليازوۆتىڭ ايەلى الما شالابايەۆا اقىر سوڭىندا يتالياعا كەتتى. قاشقىن بانكيردىڭ جۇبايى 6 ايدان بەرى ەشقايدا كەتپەۋ تۋرالى قولحاتپەن الماتىداعى تۋىستارىنىڭ ۇيىندە جاتقان بولاتىن.

تەك اپتا باسىندا عانا قولحاتى كەپىلاقشامەن اۋىستىرىلعان. كەپىلگە شالابايەۆا اۋماعى 300 شارشى مەترلىك حان سارايىنداي ءۇي قويىپتى، دەپ حابارلايدى Nur.kzcايتى.

"كەپىلگە قويىلعان ءۇي المانىڭ اناسىنا تيەسىلى. ونىڭ ۇستىنە يتاليادا قاراۋسىز بالالارىنىڭ قالۋى دا ونى الاڭداتتى. كەيىن، قاجەتى تۋعاندا، تەرگەۋ ىسىنە بايلانىستى شالابايەۆا ەلگە ورالاتىن بولادى"، - دەدى الما شالابايەۆانىڭ ادۆوكاتى نيكولاي دولماتوۆ.

شالابايەۆانىڭ ءوزى جاڭا ءتولقۇجات جاساتىپ، ۆيزا دا العان ەكەن. ادۆوكاتىنىڭ ايتۋىنشا، ريمدە ونى ۇلكەن بالالارى قارسى الماق.

ايتا كەتسەك، قاشقىن بانكيردىڭ جۇبايى ماۋسىم ايىندا كىشى قىزىمەن سول يتاليا استاناسىندا ۇستالىپ، ەلگە دەپورتاسيالانعان بولاتىن. اپەنين تۇبەگىنە ول الما ايان ەسىمدى ورتالىق افريكا رەسپۋبليكاسىنىڭ ازاماتشاسى رەتىندە كەلىپتى. باستاپقىدا كەلىسىم بەرگەنىمەن، كەيىن يتاليا ۇكىمەتىندە بۇل ۇلكەن شۋعا ۇلاستى. ءسويتىپ، ءابليازوۆتار وتباسىن كەرى قايتارۋدى تالاپ ەتىپ كەلگەن-دى.