قازىرگى ۋاقىتتا شىمكەنت قالاسىنىڭ قاراتاۋ اۋدانى اۋماعىنداعى تۇران شاعىناۋدانىن ينفراقۇرىلىم جۇيەلەرىمەن قامتۋ قۇرىلىسى قارقىندى ءجۇرىپ جاتىر.

قازىرگى ۋاقىتتا شىمكەنت قالاسىنىڭ قاراتاۋ اۋدانى اۋماعىنداعى تۇران شاعىناۋدانىن ينفراقۇرىلىم جۇيەلەرىمەن قامتۋ قۇرىلىسى قارقىندى ءجۇرىپ جاتىر.  قالا اكىمى م.ايتەنوۆ تۇرعىندارعا جايلى جانە قولايلى ءومىر ءسۇرۋ ورتانى قالىپتاستىرۋ بويىنشا تاپسىرما بەرگەن بولاتىن.

وسىعان سايكەس، قالا اكىمىنىڭ ورىنباسارى م.ايمانبەتوۆ شاعىناۋدانىندا جۇرگىزىلىپ جاتقان قۇرىلىس جۇمىستارىنىڭ ساپالى جۇرگىزىلۋىن باقىلاۋ ماقساتىندا جيىن وتكىزدى. جيىنعا قالالىق ەنەرگەتيكا جانە ينفراقۇرىلىمدى دامىتۋ باسقارماسىنىڭ باسشىسى ب.بۋلاتبەكوۆ، قۇرىلىس باسقارماسىنىڭ باسشىسى ءا.رابايەۆ جانە مەردىگەر مەكەمە وكىلدەرى قاتىستى. 

بۇگىندە تۇران شاعىناۋدانىن ساپالى اۋىز سۋمەن قامتۋ قۇرىلىسى تولىق اياقتالعان. قازىرگى ۋاقىتتا تۇرعىن ۇيلەردى سۋعا قوسۋ جۇمىستارى جۇرگىزىلىپ جاتىر. سونىمەن قاتار، ەلەكتر قۋاتىمەن قامتۋ قۇرىلىسى دا قارقىندى جۇرگىزىلۋدە. قۇرىلىس جۇمىسى 2022 جىلى اياقتالىپ، پايدالانۋعا بەرۋ جوسپارلانعان.

سونداي-اق، تۇران شاعىناۋدانىندا بارلىعى 13 كوشەنىڭ  قۇرىلىسى جۇرگىزىلۋدە. جوباعا سايكەس، جاياۋ جۇرگىنشىلەرگە ارنالعان اياق جول، ۆەلوجول جانە اۆتوموبيل جولداردىڭ  سىزبالارى ەنگىزىلگەن. 2021 جىلى №2،6،8،10 – بارلىعى  4 كوشەنىڭ جول قۇرىلىسى اياقتالادى. قالعان 9  كوشە قۇرىلىسى (№1،3،4،5،7،9،11،12،13) 2022 جىلعا وتپەلى.

قالا اكىمىنىڭ ورىنباسارى م.ايمانبەتوۆ مەردىگەر مەكەمە باسشىلارىنا جۇمىستىڭ ساپالى اتقارىلۋىن جانە ۋاقىتىندا اياقتاۋدى تاپسىردى.