شىمكەنت قالاسى قاراتاۋ اۋدانىنىڭ اكىمى ا.ءالىقۇلوۆ قالا اكىمدىگىنىڭ «Instagram» پاراقشاسىندا وتكەن تىكەلەي ەفيردە اتقارىلعان جۇمىستاردى بايانداپ، ءتۇرعىندار ساۋالىنا جاۋاپ بەردى.

قالا اكىمىنىڭ تاپسىرماسىنا سايكەس، تۇرعىنداردىڭ وزەكتى ماسەلەلەرىن باقىلاۋعا الۋ، زاڭ اياسىندا شەشۋ، حالىقپەن كەرى بايلانىس ورناتۋ ماقساتىندا اۋدان اكىمى ينجەنەرلىك ينفراقۇرىلىم جۇيەلەرىنىڭ قۇرىلىسى، اۋلالاردى اباتتاندىرۋ بويىنشا نەگىزگى جۇمىستاردان حاباردار ەتتى. اۋداندا 47 202 جەكە تۇرعىن ءۇيدىڭ 36 324ء-ى ياعني، 77 %-ى تاۋلىك بويى ساپالى اۋىز سۋمەن قامتىلعان. 5 937 تۇرعىن ءۇي كەستە بويىنشا، 4 941 ءۇي تاسىمال سۋدى تۇتىنادى.

اۋداندا كومەشبۇلاق سۋ جيناقتاۋىشىسىنان تۇران شاعىناۋدانى اينالما جولىنا دەيىنگى، ديامەترى 920 ح 10 مم، ۇزىندىعى 4،48 شاقىرىم سۋاققى قۇرىلىسى 2020 جىلدىڭ مامىر ايىندا باستالعان بولاتىن. مەردىگەر مەكەمە «سارىاعاش-امان» ج ش س قۇرىلىستى جەلتوقسان ايىنا دەيىن اياقتاۋدى جوسپارلاپ وتىر. تۇران شاعىناۋدانىن (1-كەزەك) اۋىز سۋمەن قامتاماسىز ەتۋ بويىنشا 62،7 شاقىرىم ىشكى ورامدىق جۇيەلەرىنىڭ قۇرىلىس جۇمىستارى جۇرگىزىلۋدە.

دوستىق شاعىناۋدانىندا (2-كەزەك) 116،5 شاقىرىم ىشكى ورامدىق جۇيەلەرىنىڭ قۇرىلىسى اياقتالىپ، سۋ ەسەپتەگىش قۇرالدارى ورناتىلۋدا. ازات شاعىناۋدانىندا قازىرگى تاڭدا ابونەنتتەۋ جۇمىستارى جۇرگىزىلۋدە. اسار-2 شاعىناۋدانىندا ىشكى ورامدىق جۇيەلەرىنىڭ قۇرىلىسى قازان ايىندا اياقتالادى. اتالعان جۇمىستار اياقتالۋىنا وراي، ساپالى اۋىز سۋمەن قامتىلۋ كورسەتكىشى 83،5 %-عا جەتەدى.

اۋداندا ساپالى ەلەكتر قۋاتىمەن قامتۋ بويىنشا دا ءبىرقاتار قۇرىلىس جۇمىستارى قولعا الىنعان. تۇران شاعىناۋدانىندا ەلەكتر جۇيەلەرىنىڭ قۇرىلىسى «ابم بيلدينگ» ج ش س تاراپىنان جۇرگىزىلۋدە. نىساندى تاپسىرۋ مەرزىمى – 2021 جىلدىڭ قاراشا ايى. تاسساي تۇرعىن الابىندا قازىرگى تاڭدا ابونەنتتەۋ جۇمىستارى اتقارىلۋدا.

سونداي-اق، قايناربۇلاق تۇرعىن الابىندا ماگيسترالدى گاز قۇبىرىنىڭ قۇرىلىسى قاراشادا اقتالادى. دوستىق جانە اسار-2 شاعىناۋدانىندا ىشكى ورامدىق جۇيەلەرىنىڭ قۇرىلىس جۇمىستارى قاراشا ايىندا اياياقتالىپ، ەل يگىلىگىنە بەرىلەدى.

2021 جىلى اۋدان اۋماعىندا اقجايىق، ازات، بوزارىق، نۇرتاس، اسار-2، قايتپاس شاعىناۋداندارى مەن سايرام، شاپىراشتى، ورمانشى، مارتوبە، قايناربۇلاق، وتەمىس، تاسكەن، دوستىق، تاسساي تۇرعىن الاپتارىندا ۇزىندىعى 42،3 شاقىرىم 38 كوشەگە ورتاشا جوندەۋ جۇمىستارى اتقارىلۋدا. اۋدان اكىمى ەفير بارىسىندا تۇرعىنداردىڭ ينفراقۇرىلىم، الەۋمەتتىك ماسەلەلەر بويىنشا جولداعان ساۋالدارىنا جاۋاپ بەردى.