قالا تۇرعىندارىن ەلەكتر ەنەرگياسىمەن قامتاماسىز ەتۋ بويىنشا اتقارىلىپ جاتقان جۇمىستاردىڭ ناتيجەسىندە، اباي اۋدانى كەلەر جىلى ساپالى ەلەكتر ەنەرگياسىمەن 100 پايىز قامتاماسىز ەتىلەدى.

جالپى اباي اۋدانىندا 34 ەلدىمەكەن بولسا، ونداعى تۇرعىنداردىڭ بارلىعى ەلەكتر جارىعىمەن قامتىلعان. ونىڭ ىشىندە 8 ەلدى مەكەن ساپالى ەلەكتر ەنەرگياسىن جەتكىزۋدى قاجەت ەتەدى.

اتالعان ەلدى مەكەندەردى ساپالى ەلەكتر قۋاتىمەن قامتاماسىز ەتۋ ماقساتىندا وسى جىلى بيۋدجەت ەسەبىنەن 3،4 ملرد. تەڭگە قارجى ءبولىنىپ، بۇگىنگى كۇنى قۇرىلىس جۇمىستارى جۇرگىزىلۋدە.

اتاپ ايتقاندا، نۇرشۋاق، جاڭاتالاپ، ىنتىماق-2، باتىس، ايكول، يگىلىك، تاۋەلسىزدىككە 20 جىل، اقجار ەلدى مەكەندەرىندە ەلەكتر جەلىلەرى مەن باعانالارىن ورناتۋ جۇمىستارى جۇرگىزىلۋدە. قۇرىلىس جۇمىستارىنىڭ اياقتالۋ مەرزىمى 2021 جىلدىڭ سوڭىنا دەيىن جانە 2022 جىلعا وتپەلى.