شىمكەنتتە قىس ماۋسىمىنا دايىندىق جۇمىستارى قىزىپ تۇر. وسى كەزدە اتقارىلعان شارۋالار ۇلكەن اپاتتى اۋىزدىقتايدى. سوندىقتان جاۋاپتى ماماندار جۇمىلا ىسكە كىرىسكەن. ءقاۋىپتىڭ الدىن الۋ ماقساتىندا ءتيىستى سالا باسشىلارى باس بىرىكتىرىپ باسپا ءسوز بريفينگىن ۇيىمداستىردى.

باسپا ءسوز كونفەرەنسياسىن وتكىزۋدىڭ ماقساتى – شىمكەنت قالاسىنىڭ اۋماعىندا جىلۋ بەرۋ ماۋسىمىندا حالىقتىڭ ۋلى گازدان ۋلانۋ فاكتىلەرىن بولدىرماۋ، قاۋىپسىزدىك مادەنيەتىن قالىپتاستىرۋ، ۇگىت-ناسيحات جۇمىستارىن بەلسەندەتىپ، ساقتىق شارالاردى بۇقارالىق اقپارات قۇرالدارى ارقىلى جەتكىزۋ.

وتكەن جىلۋ بەرۋ ماۋسىمىندا 2020-2021 جىلى تۇرعىن ۇيلەردە 61 ءورت تىركەلگەن. ماتەريالدىق شىعىن 132 ملن. تەڭگەنى قۇرادى، 2 ادام قايتىس بولىپ، 4 ادام جاراقات العان. تىركەلگەن ورتتەردىڭ باسىم بولىگى ەلەكتر جابدىقتارىن مونتاجداۋ جانە پايدالانۋ سالدارىنان ورىن الدى 33 ءورت. سونداي - اق جوعارى كورسەتكىشتەر رەيتينگىسىندە مىنا سەبەپتەر كورسەتىلىپ وتىر: 22 ءورت حالىقتىڭ وتپەن ابايسىز پايدالانۋ، 6 ءورت بالالاردىڭ وتپەن ويناۋى.

تۇرمىستىق گاز قۇرىلعىلارىن پايدالانۋ كەزىندە ءورت قاۋىپسىزدىگى تالاپتارىن بۇزۋ ناتيجەسىندە جىلۋ بەرۋ ماۋسىمىندا تابيعي گازدان ۋلانۋدىڭ 5 وقيعاسى تىركەلىپ، سالدارىنان 4 ادام قايتىس بولىپ (ونىڭ ىشىندە 2 بالا)، 3 ادام جاراقات الدى. وتكەن ماۋسىممەن سالىستىرعاندا ۋلانۋ سانى ەكى ەسەگە، قازا بولعاندار ەكى جارىم ەسەگە، جاراقات العاندار سانى 33% - عا تومەندەگەن. ۋلانۋدىڭ نەگىزگى سەبەپتەرى مىنالار بولىپ تابىلادى: گاز اسپاپتارىن مونتاجداۋدىڭ بۇزىلۋى؛ اعىندى سۋ جىلىتقىشتىڭ ءتۇتىن مۇرجاسىندا تارتىم جوق؛ گوفرانىڭ دۇرىس جالعانباۋى.

«گاز جانە گازبەن جابدىقتاۋ تۋرالى» 2012 جىلعى 9 قاڭتارداعى № 532-IV قازاقستان رەسپۋبليكاسى زاڭىنىڭ 7-بابى 2-تارماعىنىڭ 2-1) تارماقشاسىنا سايكەس ونەركاسىپتىك قاۋىپسىزدىك سالاسىنداعى ۋاكىلەتتى ورگاننىڭ تۇرمىستىق جانە كوممۋنالدىق-تۇرمىستىق تۇتىنۋشىلاردىڭ گاز تۇتىنۋ جۇيەلەرى مەن گاز جابدىعىن قوسپاعاندا، گازبەن جابدىقتاۋ جۇيەلەرىنىڭ تۇرمىستىق باللوندارى مەن وبەكتىلەرىن ءقاۋىپسىز پايدالانۋ تالاپتارىن ساقتاۋ بولىگىندە گاز جانە گازبەن جابدىقتاۋ سالاسىنداعى مەملەكەتتىك باقىلاۋدى جۇزەگە اسىرۋ جونىندەگى قۇزىرەتى ايقىندالدى. قۇزىرلى ورگانداردىڭ قاتىسۋىمەن زاڭنامالىق تالاپتارىن ءتۇسىندىرۋ جانە مىندەتتەردى ايقىنداۋ ماقساتىندا دوڭگەلەك ۇستەلدەر مەن كەزدەسۋلەر، جيىندار وتكىزىلدى.

حالىقتىڭ اراسىندا قاۋىپسىزدىك مادەنيەتىن قالىپتاستىرۋ ماقساتىندا ۇگىت-ناسيحات جۇمىستارى جۇرگىزىلۋدە. ءىس-شارا بارىسىندا گاز جانە گازبەن جابدىقتاۋ سالاسىنداعى وبەكتىلەردە ءورت قاۋىپسىزدىگىنىڭ جاي-كۇيى جانە قامتاماسىز ەتىلۋى؛ گاز جانە گازبەن جابدىقتاۋ سالاسىنداعى وبەكتىلەردە ونەركاسىپتىك قاۋىپسىزدىك جانە تۇرمىستا گازدى پايدالانۋ كەزىندە قاۋىپسىزدىك تالاپتارىنىڭ ساقتالۋى؛گازبەن بايلانىستى ۋلانۋ جاعدايلارى تۋرالى جانە ولاردىڭ الدىن الۋ شارالارى؛ گاز تۇتىنۋ جۇيەلەرىنە تەحنيكالىق قىزمەت كورسەتۋدى جۇرگىزۋ كەزىندە تالاپتاردىڭ ساقتالۋى تۋرالى تۇسىندىرمە جۇمىستارى جۇرگىزىلدى.