قازاقستان رەسپۋبليكاسىنىڭ پرەمەر-مينيسترى ا.ءماميننىڭ توراعالىعىمەن وتكەن ۇكىمەتتىڭ بۇگىنگى وتىرىسىندا ءبىرقاتار ماڭىزدى ماسەلەلەر قارالدى.

ەپيدەميولوگيالىق احۋال جونىندە حابارلاعان ەلىمىزدىڭ دەنساۋلىق ساقتاۋ ءمينيسترى ا.سوي، قازاقستاندا ۆاكسينانىڭ 1-كومپونەنتىن 7،5 ملن-نان استام ادام الىپ، ۆاكسيناسيالانۋى ءتيىس حالىق سانىنىڭ 75،8 پايىزىنا جەتكەندىگىن ايتتى. 2-كومپونەنتپەن 6،4 ملن-نان استام ادام قامتىلىپ، ەكپە الۋى قاجەت حالىقتىڭ 64،7 پايىزىنا جەتكەن. شىمكەنت قالاسىندا ۆاكسينانىڭ ءبىرىنشى كومپونەنتىن 516 625 ادام الىپ، كورسەتكىش 96،4 پايىزعا جەتتى. ەكىنشى كومپونەنت 417 708 ادامعا سالىنىپ، ۆاكسينا الۋى ءتيىس كونتينگەنتتىڭ 77،9 پايىزى قامتىلدى.

ق ر يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ يندۋستريالاندىرۋ كارتاسىنىڭ ىسكە اسىرىلۋ بارىسى جايلى ەسەپ بەردى. «2021 جىلى وڭىرلەر جالپى سوماسى 1،23 ترلن تەڭگە بولاتىن 128 جوبانى ىسكە قوسۋدى جوسپارلاپ وتىر. 12 مىڭ تۇراقتى جۇمىس ورنى اشىلادى. جوبالاردىڭ ەڭ كوبى شىمكەنت قالاسىندا – 17 جوبا، قاراعاندى جانە شىعىس قازاقستان وبلىستارىندا - 14 جوبادان»، - دەگەن مينيستر، وسى وڭىرلەردە وڭ سەرپىن بايقالعانىن ايتتى.

يندۋستريالاندىرۋ كارتاسى شەڭبەرىندە قالامىزدا بيىل 17 جوبانى ىسكە اسىرۋ جوسپارلانعان. ونىڭ شەڭبەرىندە 40 ملرد تەڭگە كولەمىندەگى ينۆەستيسيا تارتىلىپ، 758 جاڭا جۇمىس ورىندارى اشىلماق. ونىڭ ىشىندە بيىلعى توعىز ايدا 5 جوبا ىسكە قوسىلىپ، 385 جاڭا جۇمىس ورىندارى اشىلعان. تارتىلعان ينۆەستيسيا كولەمى 12،6 ملرد. تەڭگەنى قۇرايدى.

جىل سوڭىنا دەيىن قازاقستانداعى بىرەگەي كاسىپورىن – «KazAlPack» الليۋمينيي بانكالار ءوندىرىسى ىسكە قوسىلادى. 145 جۇمىس ورنىمەن اشىلاتىن بۇل جوبانى ىسكە اسىرۋعا 23،4 ملرد تەڭگە ينۆەستيسيا تارتىلعان. جىلدىق قۋاتى 500 ملن دانا قالبىر بانكالار شىعاراتىن كاسىپورىن ەلىمىزدەگى شكى سۇرانىستىڭ 65 پايىزىن قامتاماسىز ەتپەك.

ەلىمىزدىڭ ەنەرگەتيكا مينيسترلىگى ۇيلەستىرۋشىسى بولىپ تابىلاتىن ەنەرگەتيكا سالاسىنداعى رەسپۋبليكالىق يندۋستريالاندىرۋ كارتاسىنا شىمكەنت قالاسىنان 1 جوبا ەنگەن. «شىمكەنت حيميالىق كومپانياسى» ءجشس-نىڭ مەتيل ترەت بۋتيل ەفيرى مەن پروپيلەن ءوندىرىسى كاسىپورنىن قۇرۋ ءۇشىن 25 ملرد تەڭگە ينۆەستيسيا تارتىلعان. كاسىپورىن 350 ادامدى جۇمىسپەن قامتىپ، جىلىنا 57 مىڭ توننا ءونىم شىعارماق. كاسىپورىن كەلەسى جىلى ىسكە قوسىلاتىن بولادى.

مەملەكەت باسشىسى قازاقستان حالقىنا ارناعان جولداۋىندا 2025 جىلعا قاراي وڭدەۋشى ونەركاسىپ ەكسپورتىن 1،5 ەسە، ەڭبەك ونىمدىلىگىن 30 پايىزعا ۇلعايتۋ مىندەتىن بەلگىلەدى. يندۋستريالاندىرۋ كارتاسىنىڭ جوبالارىن ۋاقتىلى ءارى ساپالى ىسكە اسىرۋ وسى مىندەتتەرگە قول جەتكىزۋدى قامتاماسىز ەتەدى.