قاسىم-جومارت توقايەۆ «حالىق بىرلىگى جانە جۇيەلى رەفورمالار – ەل وركەندەۋىنىڭ بەرىك نەگىزى» اتتى جولداۋىندا اگروونەركاسىپ كەشەنىندەگى قوردالانعان پروبلەمانىڭ ءبىرى ازىق-تۇلىك باعاسى مەن ونى ءبولىپ-تاراتۋدىڭ تيىمسىزدىگى دەپ اتاپ ءوتتى. سونىمەن بىرگە كوتەرمە تاراتۋ ورتالىقتارىن قۇرۋ بويىنشا بەرىلگەن تاپسىرمانىڭ ورىندالۋ جايىن ايتقان بولاتىن. بۇل مىندەت شىمكەنت قالاسىندا قالاي جۇزەگە اسىرىلىپ كەلەدى.
قالالىق اۋىل شارۋاشىلىعى جانە ۆەتەريناريا باسقارماسىنىڭ ايتۋىنشا، شىمكەنت قالاسىن ورتالىق ازيا اۋماعىندا ءىرى كولىكتىك-لوگيستيكالىق حابى رەتىندە قالىپتاستىرۋ ماقساتىندا 2015 جىلى 92 گەكتار جەرگە كولىك-لوگيستيكالىق ايماعى قۇرىلعان. اتالعان ايماقتا قازىرگى كۇنى «Kazakhstan Logistic group» ج ش س، «زەردە» ءعوب» جانە «Continental Logistics Shymkent» سىندى ۇلكەن جوبالار ىسكە اسىرىلۋدا.
ايماقتا قۇرعاق جانە كليماتتىق قويمالار، كونتەينەرلىك الاڭ، تەمىر جول تۇيىعى، اكىمشىلىك تۇرمىستىق كەشەن، سونداي-اق كەدەندىك راسىمدەۋ ورتالىعى جۇمىس ىستەيدى. كەلەشەكتە وسىنداي تاعى ءبىر كوتەرمە-تاراتۋ ورتالىعىن سالۋ جوسپارلانۋدا.
بۇدان بولەك، قالا تۇرعىندارى ءۇشىن ءار ءتۇرلى تاۋارلاردى قولايلى باعادا ساتىپ الۋ ءۇشىن 11 مىڭ شارشى مەتردى قۇرايتىن «GraMaD» ساۋدا ورتالىعىندا كوتەرمە-تاراتۋ ورتالىعى اشىلدى. ول قالاداعى 1700-دەن استام ساۋدا ورىندارىن ازىق-تۇلىك، جەمىس-كوكونىستەرمەن قامتاماسىز ەتىپ كەلەدى.
سونىمەن قاتار، قالا اۋماعىندا جالپى سىيىمدىلىعى 108 مىڭ شارشى مەتر بولاتىن 14 ساقتاۋ قويماسى ورنالاسقان. ونىڭ ىشىندە 6 كليماتتىق جانە 8 قۇرعاق ساقتاۋ قويماسى بار.
سونىمەن قاتار 2022-2024 جىلدار ارالىعىندا جاڭا 2 كوكونىس ساقتاۋ قويمالارىن («كەرەمەت-ساپا» ج ش س، «GRAMAD RETAIL» ج ش س) سالۋ كوزدەلۋدە.
قازىرگى تاڭدا جوعارىدا اتالعان كوكونىس ساقتاۋ قويمالارى قالا اۋماعىندا وندىرىلەتىن كوكونىس ونىمدەرىنىڭ 80 پايىزعا جۋىعىن ساقتاۋعا قاۋقارلى.
پىكىر قالدىرۋ