شىمكەنت قالاسى اكىمىنىڭ ورىنباسارى ەرعالي بىلىسبەكوۆ ازاماتتاردى جەكە ماسەلەلەرى بويىنشا ونلاين قابىلدادى. وندا ازاماتتاردىڭ باسىم بولىگىندە وزەكتى بولىپ تابىلاتىن تۇرعىن ءۇي ماسەلەسى قارالدى. ەرعالي داۋلەتبەك ۇلى ءاربىر ازاماتتىڭ ءوتىنىشىن مۇقيات تىڭداپ، پاتەرلەرگە زاڭ اياسىندا قول جەتكىزۋ جولدارىن ءتۇسىندىردى.
بۇگىنگى تاڭدا شىمكەنتتە 46 008 ازامات تۇرعىن ءۇي كەزەگىندە تۇر. ونىڭ ىشىندە جەتىم جانە اتا-اناسىنىڭ قامقورلىعىنسىز قالعان بالالار ساناتى بويىنشا - 1 749، كوپبالالى وتباسىلار - 8 538، حالىقتىڭ الەۋمەتتىك جاعىنان ءالسىز توبى - 15 759، مەملەكەتتىك قىزمەتشىلەر، بيۋدجەتتىك ۇيىم جانە اسكەري قىزمەتشىلەر - 19 935، جالعىز تۇرعىن ءۇيى اپاتتى جاعدايدا دەپ تانىلعان 27 ادام بار ەكەنىن ايتقان ول، باسپانا تەك كەزەك رەتتىلىگىمەن عانا بەرىلەتىندىگىن ءتۇسىندىردى. كەزەك رەتىن «Egov.kz» پورتالى ارقىلى كورىپ وتىرا الادى. بۇل رەتتە شىمكەنتتە بيىل ميلليون شارشى مەتر تۇرعىن ءۇيدىڭ قۇرىلىسى ءجۇرىپ جاتقانىن ءتۇسىندىردى.
ودان بولەك، باسپاناعا مۇقتاج ازاماتتاردى قولداۋ ماقساتىندا بيىل جەرگىلىكتى بيۋدجەت ەسەبىنەن تۇرعىن ءۇي سەريتيفيكاتىنا 500 ميلليون تەڭگە ءبولىندى. قايتارىمسىز نەگىزدە باستاپقى جارناعا 1 ميلليون تەڭگەدەن بەرىلەدى. اتالعان سەرتيفيكاتتى بۇگىندە 132 ازامات الىپ ۇلگەردى. تۇرعىن ءۇي سەرتيفيكاتىنا وتىنىمدەر 1 قازاننان باستاپ قايتا «www.kezekte.kz» سايتى ارقىلى قابىلدانادى.
جالپى وسى جىلى 976 ازاماتتى ساتىپ الۋ قۇقىعىنسىز ارەندالىق پاتەرمەن قامتاماسىز ەتۋ كوزدەلىپ، 8 ايدا 682ء-سى ورىندالدى. ونىڭ ىشىندە 300 جالدامالى باسپانا جۇمىس ىستەپ جۇرگەن جاستارعا، 25 پاتەر جەتىم بالالارعا، 176 پاتەر كوپبالالى وتباسىلارعا، 181 پاتەر حالىقتىڭ الەۋمەتتىك جاعىنان ءالسىز توبىنا بەرىلدى. قالعان 294 پاتەر تۇرعىن ۇيلەردىڭ قۇرىلىسى اياقتالۋىنا قاراي جىل سوڭىنا دەيىن ۇلەستىرىلەتىن بولادى.
قالا اكىمىنىڭ ورىنباسارى ارەندالىق پاتەرلەر كەزەك ارقىلى كوپبالالى وتباسىلارعا، حالىقتىڭ الەۋمەتتىك جاعىنان ءالسىز توپتارىنا جانە جۇمىس ىستەيتىن جاستارعا قاراستىرىلعانىن، ال بيۋدجەتتىك ۇيىم قىزمەتكەرلەرىنە «نۇرلى جەر» مەملەكەتتىك تۇرعىن ءۇي باعدارلاماسى اياسىنداعى نەسيەلىك باعدارلامالار ۇسىنىلىپ جاتقانىن ايقىنداپ ايتتى.
بۇدان بولەك، سالا جەتەكشىسى رەتىندە جۇمىسپەن قامتۋعا قاتىستى قوزعالعان ماسەلەلەردى شەشۋ ءۇشىن باسقارما باسشىلارىنا ناقتى تاپسىرمالار جۇكتەدى.
پىكىر قالدىرۋ