بۇگىن شىمكەنت قالاسىنىڭ اكىمى مۇرات ايتەنوۆتىڭ توراعالىعىمەن وتكەن جۇمىس جيىنىندا قالانىڭ جىلۋ بەرۋ ماۋسىمىنا دايىندىعى قارالدى.

قالالىق ەنەرگەتيكا جانە ينفراقۇرىلىمدى دامىتۋ باسقارماسىنىڭ باسشىسى ب.بۋلاتبەكوۆ بەرگەن مالىمەتكە سايكەس، ورتالىقتاندىرىلعان جىلۋ جۇيەسىنە قوسىلعان 1945 كوپقاباتتى تۇرعىن ۇيلەردىڭ 98 پايىزى جىلىتۋ ماۋسىمىنا دايىن. قالعان تۇرعىن ۇيلەردە دايىندىق جۇمىستارى قازان ايىنا دەيىن تولىق اياقتالادى.

الەۋمەتتىك نىسانداردىڭ دايىندىعى 99 پايىزعا جەتتى. ولارعا قاجەتتى 4،7 مىڭ توننا كومىر، 980 توننا سۇيىق وتىن تولىق تاسىمالدانعان.ورتالىقتاندىرىلعان جىلۋ قازاندىعىنا قوسىلماعان ەلدىمەكەن تۇرعىندارى جىلىتۋ ماۋسىمىندا 77،6 مىڭ توننا كومىردى قاجەت ەتەدى. قازىرگى ۋاقىتتا قويمادا 62 مىڭ توننا كومىر بار. قويمالارداعى كومىر قورى قاتتى وتىن قاجەتتىلىگىنىڭ 80 پايىزىن قامتيدى.

باسقارما باسشىسى ينفراقۇرىلىمدىق جۇيەلەردىڭ دە دايىندىعىن جەكەلەي باياندادى. «3-ەنەرگوورتالىق» اق-نىڭ نەگىزگى جانە قوسالقى قوندىرعىلارىنىڭ قىسقى ماۋسىمعا دايىندىعى 96%-دى قۇرايدى. 12 قازاندىق پەن 17 سورعى ستانسيالارىنىڭ دايىندىعى 100 پايىزدىق كورستكىشكە جەتكەن.

جيىن بارىسىندا قالا اكىمى جىلۋ ماۋسىمىنا دايىندىق جۇمىستارىن تياناقتى زەردەلەۋگە 10 قازانعا دەيىن ۋاقىت بار ەكەندىگىن ايتىپ، كەمشىلىكتەر بولسا تەز ارادا رەتتەۋدى تاپسىردى. جىلداعى ءداستۇر بويىنشا 100 پايىزدىق دايىندىق جونىندە ەسەپ بەرىلىپ، كوپ ۇزاماي كەمشىلىكتەر انىقتالار بولسا جاۋاپتى ازاماتتارعا شارا كورىلەتىنىن اتاپ ءوتتى. بىردە ءبىر جىلۋ قازاندىعى ىستەن شىقپاۋى كەرەكتىگىن نازارعا الدى. دەنساۋلىق ساقتاۋ، ءبىلىم بەرۋ ۇيىمدارىنىڭ دايىندىعىن ەرەكشە باقىلاۋدى ۇستاۋدى جۇكتەدى. بالاباقشا تاربيەلەنۋشىلەرىنىڭ، ونىڭ ىشىندە جەكەمەنشىك بالاباقشالارعا باراتىن بالالار دەنساۋلىعى كۇتىمىن قاداعالاۋدى تاپسىردى.

قىسقى ماۋسىمدا كوشەلەر مەن اياقجولداردى قاردان تازالاۋ بويىنشا جۇيەلى جۇمىستار بولۋى كەرەكتىگىن ايتقان قالا باسشىسى، تۇرعىندار مەن بالالار ءۇشىن تاڭعى مەزگىلدە قاردان تازالانعان كوشەلەردە جۇرەتىندەي مۇمكىندىكتەر جاسالۋى ءتيىس دەدى. بۇل باعىتتا قار جاۋعان كۇندەرى 2-3 ساعات ىشىندە قالا كوشەلەرىنىڭ 70 پايىزى قاردان تازارتىلۋى كەرەك دەگەن ءنورماتيۆتى ۇستانۋدى جۇكتەدى. كوشەلەردى تازالاۋعا جۇمىلدىرىلعان تەحنيكا ءار اۋداننىڭ ەلدى مەكەندەرىنە تيەسىلى بولىپ، ءبىر اۋداننىڭ تەحنيكاسى سول اۋداننىڭ ەلدى مەكەندەرىنە قىزمەت كورسەتۋى كەرەكتىگىن ەسكەرتتى. «جۇكتەلگەن مىندەتتەردى تەز ءارى ساپالى ورىنداۋى ءۇشىن تازالىق كومپانيالارى قىسقى ماۋسىمدا جەتىسپەيتىن تەحنيكالارىن ءۇشىنشى تاراپتان ۋاقىتشا جالداۋ الگوريتىمى قازىردەن دايىن بولۋى كەرەك. كوكتايعاقتا جول بەتىنە سەبىلەتىن ينەرتتى ماتەريالدار ەلەكتەن وتكىزىلۋى ءتيىس، قۇم اراسىنداعى قيىرشىق تاس اۆتوكولىكتەرگە زاقىم كەلتىرمەۋى ءتيىس»،- دەدى مۇرات دۇيسەنبەك ۇلى.

جيىدى قورىتىندىلاعان شاھار باسشىسى سالا جەتەكشىلەرىنە بەرىلگەن تاپسىرمالار بويىنشا ناقتى جۇمىستار اتقارۋدى جۇكتەپ، بۇل ماسەلەلەر جاقىن كۇندەرى تاعى دا پىسىقتالاتىنىن ايتتى.