شىمكەنت كالاسىنىڭ ەنەرگەتيكا جانە ينفراقۇرىلىمدى دامىتۋ باسقارماسىنىڭ باسشىسى بورانباي بۋلاتبەكوۆ قالا اكىمدىگىنىڭ ينستاگرام پاراقشاسىندا تىكەلەي̆ ەفيردە سۇحبات بەردى.

باسقارما باسشىسى قالا تۇرعىندارىن ساپالى ەلەكتر قۋاتىمەن قامتۋ بويىنشا اتقارىلىپ جاتقان جۇمىستاردى قورىتىندىلاپ، تۇرعىنداردىڭ ساپالى اۋىز سۋ، كارىز جۇيەسى، تابيعي گاز، ەلەكتر قۋاتىمەن قامتۋ سالاسىنا قاتىستى ساۋالدارىنا جاۋاپ بەردى.

قازىرگى ۋاقىتتا شىمكەنت قالاسىندا بارلىعى 81 ەلدىمەكەننىڭ 65ء-ى (95 %) ساپالى ەلەكترمەن قامتىلعان. قالا تۇرعىندارىن ساپالى ەلەكتر قۋاتىمەن قامتاماسىز ەتۋ ماقساتىندا 2021 جىلى 3 قوسالقى ستانسيا مەن 16 ەلدىمەكەندە قۇرىلىس جۇمىستارى جۇرگىزىلۋدە.
تاياۋدا عانا «بوزارىق» قوسالقى ستانسياسى ىسكە قوسىلعان بولاتىن. قۋاتتىلىعى 160 مۆت قۇرايتىن قوسالقى ستانسيا 250 مىڭ حالىقتى ساپالى ەلەكتر قۋاتىمەن قامتۋعا قاۋقارلى. سونداي-اق، وسى كەشەننەن قۋات الاتىن «ءنۇرسات»، «استانا-1»، «استانا-2»، «1-م-1» قوسالقى ستانسيالارىنىڭ قۇرىلىستارى اياقتالعان. «ىنتىماق» قوسالقى ستانسياسىنىڭ جوبالىق-سمەتالىق قۇجاتى دايىن.

قازىرگى ۋاقىتتا «1-م-1» قوسالقى ستانسياسىنىڭ قۇرىلىسى اياقتالىپ، سىناما جۇمىستارى جۇرگىزىلىپ جاتىر. بۇل نىساننىڭ قۋاتتىلىعى – 40 مۆت. 5 ەلدىمەكەن – اسار-2، دوستىق، سولتۇستىك ساياجاي، قايناربۇلاق جانە قايتپاس-2 شاعىناۋدانىنىڭ قوسىلۋ كوزى بولىپ سانالادى. جالپى قامتىلاتىن حالىق سانى – 60 مىڭعا جۋىق.

سونىمەن قاتار، جىل سوڭىنا دەيىن بارلىعى 7 ەلدىمەكەندە (اقجار، ىنتىماق-2، ايكول، يگىلىك، تاۋەلسىزدىككە 20 جىل، جالىن، دوستىك تۇرعىن الابى) قۇرىلىس جۇمىسى اياقتالىپ، جىل سوڭىنا دەيىن 21،3 مىڭعا جۋىق ادام ساپالى ەلەكتر قۋاتىمەن قامتىلادى. قالا تۇرعىندارىن ساپالى ەلەكتر قۋاتىمەن قامتۋ كورسەتكىش 97 %-عا وسەتىن بولادى.
ال ارنايى جوبا بويىنشا 2025 جىلى قالا تۇرعىندارى 100 پايىز ساپالى ەلەكتر قۋاتىمەن قامتىلاتىن بولادى.
باسقارما باسشىسى ەفير بارىسىندا تۇرعىندار ساۋالىنا جان-جاقتى جاۋاپ بەردى.