الماتى وبلىسى بالقاش كولى ماڭىندا جەڭىل موتورلى چارتەرلىك ۇشاق قۇلادى. بۇل اقپاراتتى يندۋستريا جانە ينفراقۇرىلىمدىق دامۋ مينيسترلىگى راستادى.
ۆەدومستۆو اقپاراتىنا سايكەس، ۇشاق اسپانعا كوتەرىلۋ كەزىندە اۋدارىلىپ كەتكەن.
"17 قازاندا Cessna 182 اۋە كەمەسىمەن چارتەرلىك رەيس ورىندالعان. ساعات 11:15-تە قاراعاندى بريفينگىنە كوماندير حابارلاماسى جەتتى. ۇشاق اۋدارىلىپ كەتكەن"، دەلىنگەن مينيسترلىك حابارلاماسىندا.
اۋە كەمەسى بورتىندا ءبىر ەكيپاج مۇشەسى مەن ءبىر جولاۋشى بولعان. اپات سالدارىنان ەشكىم زارداپ شەككەن جوق، مەديسينالىق كومەككە جۇگىنبەگەن.
ۇشاق تولىقتاي قيراعانى حابارلانىپ وتىر.
پىكىر قالدىرۋ