بەكبايەۆانىڭ سوزىنشە، ەكى جوعارى سىنىپ تۇلەكتەرىنىڭ اراسىندا كەلىسپەۋشىلىك تۋىنداپ، وقۋشىلار اراسىندا توبەلەسكە ۇلاسقان. توبەلەس بارىسىندا وقۋشىلاردىڭ ءبىرى زارداپ شەگىپ، وعان قاجەتتى كومەك كورسەتىلگەن.

 

– كەشكە اۋىلدا جەرگىلىكتى تۇرعىندار جينالىپ، مەكتەپ اۋماعىندا بولعان توپتىق توبەلەس سالدارىنان اتالمىش جاعدايدىڭ ورىن الۋىنا بايلانىستى نارازىلىقتارىن ءبىلدىردى. سونىمەن قاتار كەيبىر جاسوسپىرىمدەر مەن جاستار ەموسيانىڭ جانە ارانداتۋشىلاردىڭ اسەرىنەن بىرنەشە جەكە ۇيلەر مەن كولىكتەردىڭ اينەكتەرىن سىندىرعان. اۋىل تۇرعىندارى اراسىندا، ەتنوسارالىق نەگىزدە قانداي دا ءبىر جانجالدىڭ، اسىرەسە قاقتىعىستاردىڭ جوق ەكەندىگىن جانە وعان جول بەرىلمەيتىندىگىن ەرەكشە اتاپ وتكىم كەلەدى. جەرگىلىكتى تۇرعىندار – قازاقتار دا، ۇيعىرلار دا كوپ جىلدار بويى بىرگە تۇرىپ كەلەدى، ءبىر ءبىرىنىڭ دوستارى مەن كورشىلەرى بولىپ تابىلادى، ولاردىڭ بارلىعى شىن جۇرەكتەن بەيبىتشىلىك پەن تىنىشتىقتى قالايدى، – دەيدى رەسمي وكىل.

 

بۇعان دەيىن پەنجىم اۋىلىندا مەكتەپ وقۋشىلارى اراسىندا جانجال شىعىپ، سالدارىنان 16 جاستاعى ءجاسوسپىرىم دەنە جاراقاتىمەن اۋداندىق اۋرۋحاناعا تۇسكەنىن حابارلانعان. ارتىنشا جاراقات العان ءجاسوسپىرىمنىڭ جاعدايى اۋىر ەكەنى ءمالىم بولدى.