الماتىداعى حيميا-بيولوگيا باعىتىنداعى نازاربايەۆ زياتكەرلىك مەكتەبىنىڭ 8-سىنىپ وقۋشىسى وزىنە قول جۇمسادى. اقپاراتتى قالانىڭ پوليسيا دەپارتامەنتى راستادى.
اتالعان ءبىلىم ورداسى قايعىلى وقيعا ساباقتان تىس ۋاقىتتا بولعانىن حابارلادى.
"الماتى حيميا-بيولوگيا باعىتىنداعى نازاربايەۆ زياتكەرلىك مەكتەبىنىڭ اكىمشىلىگى 28 قازاندا وقۋشىمەن ساباقتان تىس ۋاقىتتا بولعان جازاتايىم وقيعا فاكتىسىن راستايدى. قازىرگى ۋاقىتتا تەرگەۋ امالدارى جۇرۋدە. كامەلەتكە تولماعان بالانىڭ مۇددەسى ءۇشىن مەكتەپ قوسىمشا اقپاراتتى جاريا ەتە المايدى جانە تۇسىنىكتەمە بەرە المايدى" دەلىنگەن نازاربايەۆ زياتكەرلىك مەكتەبىنىڭ باسپا ءسوز قىزمەتى تاراتقان حابارلامادا.
پوليسيا دەپارتامەنتىنىڭ مالىمدەۋىنشە، مارقۇم ءوز ءۇيىنىڭ 11-قاباتىنان سەكىرىپ كەتكەن.
"وقيعا بويىنشا بوستاندىق اۋدانىنىڭ پوليسيا باسقارماسى قىلمىستىق كودەكستىڭ 105-بابى ("ءوزىن-وزى ولتىرۋگە دەيىن جەتكىزۋ") بويىنشا سوتقا دەيىنگى تەرگەپ-تەكسەرۋ جۇمىستارىن باستادى. وقيعانىڭ سەبەبى مەن ءمان-جايى ءىس جۇرگىزۋ بارىسىندا انىقتالادى. سوت-مەديسينالىق ساراپتاما تاعايىندادى" دەلىنگەن پوليسيا دەپارتامەنتى حابارلاماسىندا.
پىكىر قالدىرۋ