الماتى قالاسى مەدەۋ اۋدانى "Latifa" تۇرعىن ءۇي كەشەندەرىنىڭ بىرىندە 18 جاستاعى قىزدى ءولتىرىپ، ارتىنشا ورتەپ جىبەرگەن كۇدىكتى ۇستالدى.
جان تۇرشىگەرلىك وقيعا 8 قاراشا كۇنى، "Latifa" تۇرعىن ءۇي كەشەنىنىڭ 13-قاباتىنداعى پاتەردىڭ بىرىندە بولعان. تۇرعىنداردىڭ سوزدەرىنشە، مارقۇمنىڭ جىگىتى بويجەتكەندى ءولتىرىپ، سول جەردە ورتەپ جىبەرگەن.
جالدامالى پاتەرگە جىگىتىمەن كەلگەن بويجەتكەن تۋعان اپكەسىنە كەشكى 7 شاماسىندا "قۇربىمنىڭ ۇيىندە تۇنەيمىن" دەپ جازىپ جىبەرگەن. سوسىن ءبىرشاما ۋاقىتتان كەيىن بويجەتكەننەن "ۇرىپ جاتىر" دەگەن حابارلاما كەلگەن.
جاقىندارى بىردەن پوليسيا شاقىرتقان. پاتەردىڭ يەسى كەلىپ ەسىكتى اشقاندا، قىز ءولى تابىلعان.
تۇرعىنداردىڭ ايتۋىنشا، كوپقاباتتى ۇيدەگى 13 قاباتتاعى پاتەرلەر تۇگەل دەرلىك تاۋلىككە جالعا بەرىلەدى. الايدا ەشقانداي شۋ شىقپايتىن. ءبىراق وسى جولى ولار ءتۇن ورتاسىندا شىڭعىرعان داۋىستى ەستىپ، كۇيىكتىڭ ءيىسىن سەزگەن.
– پاتەردى اشقان كەزدە جانۋاردى ورتەگەندە شىعاتىن جيىركەنىشتى ءيىس شىقتى. سونىمەن قاتار الكوگولدىڭ ءيىسى دە مۇڭكىپ تۇردى. 12 جارىمدا قاتتى سوققىدان كەيىن شىڭعىرعان داۋىس ەستىدىم. ءبىراق مەن نارەستە قۇلاپ جىلاعان شىعار دەپ ويلادىم. ولتىرگەن جىگىت تۇنگى ساعات 1-دە پاتەردەن قاشىپ كەتكەن سياقتى، – دەدى ەكاتەرينا "Latifa" تۇرعىن ءۇي كەشەنىنىڭ تۇرعىنى.
بۇعان دەيىن الەۋمەتتىك جەلىدە تاۋلىككە بەرىلەتىن پاتەرلەردە جەڭىل ءجۇرىستى قىزدار ورداسى بار ەكەنى تۋرالى اقپارات تاراعان. ءبىراق تۇرعىنداردىڭ شاعىمىنا، ۋچاسكەلىك پوليسەيلەر نازار اۋدارماعان.
قالالىق پوليسيا دەپارتامەنتى باسپا ءسوز قىزمەتىنىڭ حابارلاۋىنشا، بۇگىندە كۇدىكتى ۇستالىپ، ۋاقىتشا ۇستاۋ يزولياتورىنا قامالدى.
– كۇدىكتى س. دەگەن ازامات الماتى قالاسىنىڭ ماڭىندا ۇستالدى. قىلمىستىق ءىس جۇرگىزۋ كودەكسىنىڭ 128-بابىنا (ۇستاپ الۋ نەگىزدەرى) سايكەس ول ۋاقىتشا ۇستاۋ يزولياتورىنا قامالدى. تەرگەۋ جالعاسىپ جاتىر، – دەدى مەدەۋ اۋدانى پوليسيا باسقارماسىنىڭ باستىعى داۋرەن وتەبايەۆ.
18 جاستاعى قىزدىڭ ءولىمى تۋرالى جازبا 8 قاراشا كۇنى الەۋمەتتىك جەلىدە جاريالانعان.
"الدىمەن تۇنشىقتىرىپ، كەيىن ورتەگەن. ۋچاسكەلىك پوليسياعا بۇعان دەيىن تاۋلىككە بەرىلەتىن پاتەرلەردە پريتون بار ەكەنىن بىرنەشە رەت ايتتىق. ءبىراق ولار تۇرعىنداردىڭ ءسوزىن ەلەمەدى. ءقازىر ۋچاسكەلىك پوليسەيلەر ونىڭ جەزوكشە بولعانىن ايتىپ جاتىر" دەلىنگەن جەلىدەگى جازبادا.
پوسموترەت ەتۋ پۋبليكاسيۋ ۆ Instagram
الايدا قالالىق پوليسيا دەپارتامەنتى، جابىرلەنۋشىنىڭ جەڭىل ءجۇرىستى ايەل بولعانى تۋرالى اقپارات شىندىققا جاناسپايتىنىن جەتكىزدى.
پىكىر قالدىرۋ