ءماجىلىس ءتوراعاسى نۇرلان نىعماتۋلين تۇڭعىش پرەزيدەنت كۇنىنە ارنالعان «ەلباسى. تاۋەلسىزدىك. پارلامەنت» اتتى حالىقارالىق كونفەرەنسيادا ءسوز سويلەپ، قازاقستاننىڭ تۇڭعىش پرەزيدەنتى، ەلباسى نۇرسۇلتان نازاربايەۆتىڭ ستراتەگياسىنىڭ ارقاسىندا قازاقستان ايتارلىقتاي ناتيجەلەرگە قول جەتكىزگەنىن اتاپ ءوتتى.
قازاقستان رەسپۋبليكاسىنىڭ تۇڭعىش پرەزيدەنتى كۇنىنە ارنالعان كونفەرەنسيا بيىل ەلىمىزدىڭ تاۋەلسىزدىگىنىڭ 30 جىلدىعى اياسىندا وتۋدە.
پارلامەنت ءماجىلىسى جىل سايىن ءداستۇرلى تۇردە تۇڭعىش پرەزيدەنت كۇنىنە وراي ۇيىمداستىراتىن فورۋمعا ءازىربايجان، تۇركيا، وزبەكستان، رەسەي، سلوۆاكيا، ەۋروپالىق پارلامەنت، تۇركپا پارلامەنتتەرىنىڭ باسشىلارى مەن دەپۋتاتتارى، ءماجىلىس جانە سەنات دەپۋتاتتارى، مەملەكەتتىك ورگانداردىڭ، ۇكىمەتتىك ەمەس ۇيىمداردىڭ وكىلدەرى مەن ساراپشىلار قاۋىمداستىعى قاتىستى.
كونفەرەنسيانى العىسوزبەن اشقان ءماجىلىس ءتوراعاسى بىرنەشە كۇننەن كەيىن تاۋەلسىز قازاقستاننىڭ قۇرىلعانىنا 30 جىل تولاتىنىن، بۇل تاعى ءبىر تاريحي بەلەس ەكەنىن، ەلىمىز باعىندىرعان ءاربىر جەڭىس، تىكەلەي ەلباسىنىڭ اتىمەن بايلانىستى ەكەنىن اتاپ ءوتتى.
سونىمەن قاتار، پالاتا سپيكەرى تۇڭعىش پرەزيدەنتىمىزدىڭ «الدىمەن ەكونوميكا، ودان كەيىن ساياسات»، – دەگەن ۇستانىمىنىڭ ارقاسىندا ەلىمىز قيىندىقتاردى جەڭىپ، وسى كەزەڭدە قوس پالاتالى كاسىبي پارلامەنت ەلباسىنىڭ جانە پرەزيدەنتتىڭ زاڭنامالىق تىرەگى بولعانىن ايتتى.
– بيىل ەل تاۋەلسىزدىگىنىڭ 30 جىلدىعىمەن قاتار، قازاقستان پارلامەنتىنىڭ قۇرىلعانىنا دا 25 جىل تولدى. پارلامەنت وسى 30 جىلدىڭ ىشىندە، ەلباسىمىز نۇرسۇلتان ءابىش ۇلى نازاربايەۆتىڭ ماڭىزدى باستامالارىن زاڭ دەڭگەيىندە قولداپ، بارلىق رەفورمالاردى قاجەتتى، ساپالى زاڭدارمەن قامتاماسىز ەتتى. بۇل جۇمىس قازىرگى ۋاقىتتا مەملەكەت باسشىسى قاسىم-جومارت توقايەۆتىڭ العان قويعان مىندەتتەرىن ورىنداۋ ماقساتىندا ءتيىمدى جالعاسىپ كەلەدى. بۇگىندە پارلامەنتتەن شىققان ءاربىر قۇجات حالقىمىزدىڭ، ەلىمىزدىڭ ەكونوميكالىق، الەۋمەتتىك، ساياسي، مادەني دامۋىنىڭ زاڭنامالىق تىرەگىنە اينالدى دەۋگە بولادى، – دەدى ءماجىلىس ءتوراعاسى.
نۇرلان نىعماتۋلين بۇگىندە كونستيتۋسيالىق رەفورما ناتيجەسىندە پارلامەنتتىڭ وكىلەتتىگى كۇشەيتىلگەنىن اتاپ ءوتىپ، وتكەن جىلى مەملەكەت باسشىسىنىڭ باستاماسىمەن پارلامەنتتىك وپپوزيسيا ينستيتۋتى ەنگىزىلىپ، ساياسي باسەكەلەستىكتى كۇشەيتۋ ءۇشىن «ساياسي پارتيالار تۋرالى»،«سايلاۋ تۋرالى»، «پارلامەنت جانە ونىڭ دەپۋتاتتارىنىڭ مارتەبەسى تۋرالى» زاڭدارعا ءتيىستى وزگەرىستەر ەنگىزىلگەنىن اتاپ ءوتتى.
– وسىنىڭ بارلىعى زاڭ شىعارۋ قىزمەتىنە جاڭا سەرپىن بەرىپ، كاسىبي پارلامەنتتىڭ بەدەلىن ارتتىردى. قازىرگى ۋاقىتتا ءبىزدىڭ زاڭ شىعارۋشى ورگان بارلىق ارىپتەس مەملەكەتتەردىڭ پارلامەنتتەرىمەن تىعىز قارىم-قاتىناس ورناتىپ، حالىقارالىق ۇيىمدارمەن تۇراقتى بايلانىس جاساپ كەلەدى، – دەدى پالاتا ءتوراعاسى.
سونداي-اق، نۇرسۇلتان نازاربايەۆ پرەزيدەنتتەن بيلىك وكىلەتتىكتەرىن پارلامەنتكە جانە ۇكىمەتكە قايتا ءبولۋدى كوزدەيتىن كونستيتۋسيالىق رەفورما جۇرگىزۋ تۋرالى باستاما كوتەرگەنىن اتاپ وتكەن پالاتا سپيكەرى وسى رەفورماعا تۇڭعىش پرەزيدەنت باستاماشى بولىپ، جالپىحالىقتىق تالقىلاۋعا تۇسكەنىن ايتتى.
ءماجىلىس ءتوراعاسى اتاپ وتكەندەي، وسى ارقىلى ەلباسىمىز ەل ءۇشىن تاعدىرلى ماسەلەلەردى شەشۋدە ءارقاشان ءوز حالقىنىڭ پىكىرىنە سۇيەنەتىنىن تاعى دا كورسەتتى. وسى رەتتە، نۇرسۇلتان نازاربايەۆ ەلدىڭ باسشىسى جانە بارلىق دەموكراتيالىق وزگەرىستەردىڭ باستى باستاماشىسى بولا وتىرىپ، زاماناۋي قازاقستاندىق پارلامەنتاريزمنىڭ اۆتورى جانە نەگىزىن قالاۋشى بولعانىن اتاپ ءوتتى پالاتا سپيكەرى.
نۇرلان نىعماتۋلين پارلامەنت حالىقارالىق قوعامداستىقتا ەرەكشە ورنى بار بارلىق حالىقارالىق جانە وڭىرلىك پارلامەنتتىك قۇرىلىمداردىڭ بەلسەندى قاتىسۋشىسى ەكەنىن العا تارتىپ، قازاقستاندىق دەپۋتاتتار دەلەگاسياسى پارلامەنتارالىق وداق، تمد پاا، ەقىۇ جانە ەۋروپا كەڭەسى پارلامەنتتىك اسسامبلەيالارى، ۇقشۇ جانە ناتو، يسلام ىنتىماقتاستىعى ۇيىمىنىڭ پارلامەنتتىك وداعى، ازيا پارلامەنتتىك اسسامبلەياسى، تۇركپا سياقتى بەلدى حالىقارالىق ۇيىمدار قىزمەتىنە بەلسەندى قاتىساتىنىنا توقتالدى.
وتىرىستا ءماجىلىس ءتوراعاسى كەلە جاتقان تۇڭعىش پرەزيدەنت كۇنى مەرەكەسىمەن جانە قازاقستان تاۋەلسىزدىگىنىڭ 30 جىلدىق مەرەيتويىمەن قۇتتىقتاپ&
– ءبىز وسى جەتىستىكتەرمەن توقتامايمىز. ءبىزدىڭ باستى باعىتىمىز – «قازاقستان - 2050» دامۋ ستراتەگياسى. ەلباسىمىزدىڭ دانا ساياساتىنىڭ، حالقىمىزدىڭ بەرەكە-بىرلىگىنىڭ ارقاسىندا ول ماقساتقا دا ابىرويمەن جەتەمىز دەپ سەنەمىز، – دەدى.
ءماجىلىستىڭ باسپا ءسوز قىزمەتى
