"سامۇرىق-قازىنا" قورىنىڭ جاڭا ۇيىمدىق قۇرىلىمى بەكىتىلىپ، قىزمەتكەرلەر سانى 50%-عا قىسقارتىلاتىن بولدى. بۇل تۋرالى قوردىڭ باسپا ءسوز قىزمەتى حابارلادى.

باسپا ءسوز قىزمەتىنىڭ مالىمەتىنشە، بۇگىن قور باسقارماسى تومەندەگى شەشىمدەردى قابىلداعان.

1.جاڭا ۇيىمدىق قۇرىلىم بەكىتىلدى. وعان سايكەس، قور قىزمەتكەرلەرىنىڭ سانى ەكى ەسە، ياعني، 248-دەن 124-كە دەيىن؛ ال باسقارۋشى قىزمەتتەر سانى 10-نان 5-كە دەيىن قىسقارادى. قۇرىلىمدىق بولىمدەر سانى 27-دەن 18-گە (33%) قىسقارتىلدى؛ «كەڭەسشى» قىزمەتتەرى جويىلدى. قوردىڭ شەتەلدەگى وكىلدىكتەرىن جابۋ تۋرالى شەشىم قابىلداندى. قوردىڭ جاڭا ۇيىمدىق قۇرىلىمى رەسمي ۆەب-سايتتا جاريالانعان.

2. بيزنەس جولىنداعى كەدەرگىلەردى جويۋعا باعىتتالعان تىكەلەي ساتىپ الۋدىڭ جاڭا ءتارتىبى مەن قاداعالاۋ، ماركەتينگ، جانە يمپورتتىڭ ورنىن باسۋ ەرەجەلەرى الدىن-الا بەكىتىلىپ، ق ر قارجى مينيسترلىگى، ق ر باسەكەلەستىكتى قورعاۋ جانە دامىتۋ اگەنتتىگى، جانە «اتامەكەن» ۇكپ-گە قاراستىرۋعا جىبەرىلدى. ءبىر كوزدەن ساتىپ الۋعا نەگىز بولاتىن فاكتورلار قىسقارتىلدى. اتالعان قۇجاتتاردى ديرەكتورلار كەڭەسى قابىلداعان سوڭ قوردىڭ كورپوراتيۆتىك ورتالىعى ساتىپ الۋ ادىستەمەسىن دايىنداۋ، ساتىپ الۋلاردى قاداعالاۋ جانە باقىلاۋ فۋنكسيالارىن اتقارادى.

3. پورتفەلدىك كومپانيالارعا "سامۇرىق-قازىنا" قورىن رەفورمالاۋ بويىنشا پرەزيدەنت تاپسىرمالارىن ورىنداۋدى قاداعالاۋ جونىندەگى قۇجات جىبەرىلدى؛ جاۋاپتى قىزمەتكەرلەر، ىسكە اسىرۋ مەرزىمدەرى مەن قاداعالاۋ ينديكاتورلارى انىقتالدى.

4. سونىمەن قاتار، "سامۇرىق-قازىنا" اق باسقارماسىنىڭ 2022 ج. 24ء-شى قاڭتارىنداعى شەشىمىمەن «سامۇرىق-قازىنا ينۆەست» ج ش س باس ديرەكتورى ا. ك. سۇلتانوۆتىڭ، "Samruk-Kazyna Construction" اق باسقارما ءتوراعاسى ب.ا. ساندىقبايەۆتىڭ، "سامۇرىق-قازىنا كونتراكت" ج ش س باس ديرەكتورى ا.ج. اقىلوۆتىڭ، "سامۇرىق-قازىنا بيزنەس سەرۆيس" ج ش س باس ديرەكتورى س.ك. ەلشىبەكوۆتىڭ ۋاكىلەتتىكتەرى مەرزىمىنەن بۇرىن اياقتالىپ، ولارمەن ەڭبەك قاتىناستارىن توقتاتۋ كەلىسىلدى. باسقارما ق ر ۇكىمەتىنە جولداناتىن قوردى رەفورمالاۋ باعدارلاماسىن دايىنداۋ مەرزەمدەرىن بەكىتتى.