نۇرلان نىعماتۋلين ورتالىق سايلاۋ كوميسسياسىنا ءماجىلىس دەپۋتاتى رەتىندەگى وكىلەتتىگىن توقتاتۋ تۋرالى ءوتىنىش ءتۇسىردى.
"قازاقستان رەسپۋبليكاسى كونستيتۋسياسىنىڭ 52-بابىنا، «قازاقستان رەسپۋبليكاسىنىڭ پارلامەنتى جانە ونىڭ دەپۋتاتتارىنىڭ مارتەبەسى تۋرالى» 1995 جىلعى 16 قازانداعى قازاقستان رەسپۋبليكاسى كونستيتۋسيالىق زاڭىنىڭ 24-بابى 3 جانە 8-تارماقتارىنا سايكەس قازاقستان رەسپۋبليكاسىنىڭ ورتالىق سايلاۋ كوميسسياسى قاۋلى ەتەدى:
1. قازاقستان رەسپۋبليكاسى پارلامەنتى ءماجىلىسىنىڭ دەپۋتاتى نۇرلان زايروللا ۇلى ءنىعماتۋليننىڭ ءوتىنىش بەرۋىنە بايلانىستى ونىڭ وكىلەتتىگىن مەرزىمىنەن بۇرىن توقتاتۋعا اكەلەتىن نەگىز تۋىندادى دەپ بەلگىلەنسىن.
2. قازاقستان رەسپۋبليكاسى پارلامەنتى ءماجىلىسىنىڭ دەپۋتاتى ن.ز. ءنىعماتۋليننىڭ وكىلەتتىگىن مەرزىمىنەن بۇرىن توقتاتۋ تۋرالى ۇسىنىم قازاقستان رەسپۋبليكاسى پارلامەنتىنىڭ ماجىلىسىنە ەنگىزىلسىن" دەلىنگەن وسك حابارلاماسىندا.
سونداي-اق ەرلان قوشانوۆ ءماجىلىس دەپۋتاتى رەتىندە تىركەلدى.
بۇعان دەيىن نۇرلان نىعماتۋلين وتستاۆكاعا كەتەتىنى تۋرالى اقپارات شىققان. ونىڭ ورنىنا كەلۋى مۇمكىن كانديدات رەتىندە پرەزيدەنت اكىمشىلىگىنىڭ ءتوراعاسى ەرلان قوشانوۆ اتالعان.
پىكىر قالدىرۋ