پارلامەنت ءماجىلىسىنىڭ ءتوراعالىعىنا ەرلان قوشانوۆ كەلدى. بۇل تۋرالى پرەزيدەنتتىڭ باسپا ءسوز حاتشىسى بەرىك ءۋالي حابارلادى.
بۇعان دەيىن نۇرلان ءنىعماتۋليننىڭ ءماجىلىس دەپۋتاتى رەتىندەگى وكىلەتتىگى مەرزىمىنەن بۇرىن توقتاتىلعان.
ەرلان جاقان ۇلى قوشانوۆ 1962 جىلى قاراعاندى وبلىسىندا تۋعان.
1984 جىلى قاراعاندى پوليتەحنيكالىق ينستيتۋتىن، 1999 جىلى قازاق مەملەكەتتىك باسقارۋ اكادەمياسىن بىتىرگەن.
ينستيتۋت بىتىرگەن سوڭ جەزقازعان كەن-مەتاللۋرگيا كومبيناتى بايىتۋ فابريكاسىنىڭ سلەسارى، شەبەرى بولىپ ىستەدى.
1988-1990 جج. – جۇمىسكەر جانە اۋىل جاستارى ءبولىمىنىڭ نۇسقاۋشىسى، قازاقستان لكجو جەزقازعان وبلىستىق جاستار پروبلەمالارىنىڭ الەۋمەتتىك-ەكونوميكالىق ءبولىمىنىڭ مەڭگەرۋشىسى.
1990-1995 جج. – جەزقازعان وبلىستىق كوميتەتىنىڭ سىرتقى ەكونوميكالىق بايلانىس كوميتەتىنىڭ جەتەكشى مامانى، ءبولىم باستىعى، ءتوراعاسىنىڭ ورىنباسارى، ءتوراعاسى.
1995-1999 جج. – قازاقستان رەسپۋبليكاسى پارلامەنت سەناتىنىڭ دەپۋتاتى.
1999-2001 جج. – قازاقستان رەسپۋبليكاسىنىڭ پارلامەنتىندەگى ق ر ۇكىمەتىنىڭ وكىلى.
2001-2003 جج. – قازاقستان رەسپۋبليكاسى پرەمەر-مينيسترى كەڭسەسى باسشىسىنىڭ ورىنباسارى – قازاقستان رەسپۋبليكاسىنىڭ پارلامەنتىندەگى ق ر ۇكىمەتىنىڭ وكىلى.
2003-2006 جج. – قازاقستان رەسپۋبليكاسىنىڭ كولىك جانە كوممۋنيكاسيا ۆيسە-مينيسترى.
2006-2007 جج. – قازاقستان رەسپۋبليكاسى كولىك جانە كوممۋنيكاسيا مينيسترلىگىنىڭ ازاماتتىق اۆياسيا كوميتەتىنىڭ ءتوراعاسى.
2007-2012 جج. – قازاقستان رەسپۋبليكاسى پرەمەر-مينيسترى كەڭسەسى باسشىسىنىڭ ورىنباسارى – قازاقستان رەسپۋبليكاسىنىڭ پارلامەنتىندەگى ق ر ۇكىمەتىنىڭ وكىلى.
2012-2017 جج. – قازاقستان رەسپۋبليكاسى پرەمەر-مينيسترى كەڭسەسىنىڭ باسشىسى.
2017-2019 جج. – قاراعاندى وبلىسىنىڭ اكىمى.
2019 جىلعى 18 قىركۇيەك كۇنى قازاقستان رەسپۋبليكاسى پرەزيدەنتى اكىمشىلىگىنىڭ باسشىسى بولىپ تاعايىندالعان.
پىكىر قالدىرۋ