اققان اۋرۋىنا شالدىعىپ، تۇركيانىڭ ستامبۋل قالاسىندا ەم الىپ جۇرگەن 9 جاسار اينارا ورالحاننىڭ ەمىنە، ونىڭ قۇلان-تازا ايىعىپ، باسقا بالالار سەكىلدى الاڭسىز ويناپ، كۇلىپ، سەكىرىپ ءجۇرۋى ءۇشىن قارجى كەرەك.
ايناراعا اققان دياگنوزى قويىلعان. ول بىلتىر جانۇياسىمەن ەم الۋ ءۇشىن تۇركيانىڭ "Bau Medikal Park" ونكولوگيالىق ورتالىعىنا جۇگىنەدى. دارىگەرلەر اينارانىڭ ەمىنە 140 مىڭ دوللار قاراجات كەرەك ەكەنىن ايتقان. بۇگىنگە دەيىن اينارانىڭ اكەسى وزىندەگى باردىڭ ءبارىن ساتىپ كەرەكتى اقشانىڭ 100 مىڭ دوللارىن تاۋىپ قويىپتى. ەمگە ءالى 40 مىڭ دوللار جەتپەي تۇر. امالى تاۋسىلعان اينارانىڭ اتا-اناسى ەندىگى كەزەكتە حالىقتان كومەك سۇراۋعا ءماجبۇر.
"ءبىر ايدان بەرى تىنىش ءومىرىمىز 360 گرادۋسقا وزگەرىپ جاتىر. بۇل دا بولسا اللانىڭ قالاۋى، ءبىز پەندە اللانىڭ سىناعىنا كونگەننەن باسقا امالىمىز جوق ەكەن. جەدەل ليمفوبلاستيكالىق لەيكەميا (اققان اۋرۋى). ەستىگەندە اتىنىڭ ءوزى قورقىنىشتى اۋرۋ ءبىزدىڭ تۇلا بوي تۇڭعىشىمىز، باۋىر ەت بالاپانىمىزعا قويىلعاندا اسپان اينالىپ جەرگە تۇسكەندەي بولدى، توبەمىزدەن اۋىر سوققى العانداي ەسەڭگىرەدىك، جىلادىق، نەگە وسى جاعداي تۋرا بىزدە بولدى دەپ ءوز-وزىمىزدى كىنالادىق. جىعىلعاندا سۇيەيتىن ەتجاقىن تۋىستار مەن جاناشىر دوستاردىڭ قولداۋىمەن ءبىر اللا دەپ ستامبۋل قالاسىنا كەلىپ، ەم الۋدى باستاپ كەتتىك" دەگەن اينارانىڭ اتا-اناسى كوپشىلىكتەن از-ازدان بولسا دا كومەك قولىن سوزۋدى سۇرايدى.
جادىراپ ويناپ ءجۇرۋدىڭ ورنىنا اۋرۋحانا كەرەۋەتىنە تانىلعان ءبۇلدىرشىن ءسىزدىڭ كومەگىڭىزگە مۇقتاج. 9 جاستاعى اينارانىڭ سىرقاتىنان ايىعۋىنا، سىڭعىرلاپ ۋايىمسىز كۇلىپ جۇرۋىنە اتسالىسقىڭىز كەلسە، تومەندە كورسەتىلگەن رەكۆيزيتتەرگە مۇمكىندىگىڭىزگە قاراي اقشا اۋدارۋىڭىزعا بولادى.
پوسموترەت ەتۋ پۋبليكاسيۋ ۆ Instagram
پىكىر قالدىرۋ