الەۋمەتتىك جەلىدە ءوزىن پرەزيدەنت قاسىم-جومارت توقايەۆتىڭ ناعاشى قارىنداسىمىن دەگەن جۇماگۇل زامزايەۆا ەسىمدى كەلىنشەكتىڭ پرەزيدەنتتەن كومەك سۇراعان ۆيدەوسى تاراپ جاتىر. كەلىنشەك قۇقىقتىق باسسىزدىققا تاپ بولعانىن، بالاسىنىڭ ۇستىنەن قوزعالعان ءىس ءادىل وتپەي جاتقانىن ايتادى.

ول ۆيدەودا ۇلى 7 ايدان بەرى الماتىداعى تەرگەۋ يزولياتورىندا جاتقانىن، پرەزيدەنتتەن كومەك سۇراۋعا ءماجبۇر بولىپ تۇرعانىن جەتكىزگەن.

سوزىنشە، جازعان حاتتارىنا باس پروكۋراتۋرا مەن جوعارعى سوتتان ەش جاۋاپ بولماعان. ءوزى 14 جاسقا تولماعان بالالار مەن مۇگەدەك كۇيەۋىن تاستاپ 3 اپتادان بەرى استانادا جۇرگەنىن ايتادى.

كەلىنشەك توقايەۆ سىرتقى ىستەر ءمينيسترى بولىپ تۇرعاندا تۋىستارىنىڭ باسىن قوسىپ تۇراتىن، قولىنداعى سۋرەت سونداي جيىنداردىڭ بىرىندە تۇسىرىلگەن دەيدى. ءبىراق پرەزيدەنت بولعالى ونى كورمەگەنىن، ۇمىتىپ قالماسا توقايەۆ ءوزىن تانۋى كەرەك ەكەنىن اتاپ ءوتتى.

جۇماگۇل زامزايەۆا كۇيەۋى توقايەۆقا اعا، ءوزى ناعاشى قارىنداس بولىپ كەلەتىنىن، ءبىراق پرەزيدەنتكە تۋىسى ەمەس، قاراپايىم ازامات ەسەبىندە ۇندەۋ جاساپ وتىرعانىن جەتكىزدى. "باسقا امالىم قالمادى، پرەزيدەنتتى ءجىبى ءتۇزۋ اداپ دەپ تانيمىن، ماسەلەمە نازار اۋدارسا، بىردەن شەشىلەر ەدى" دەيدى.